Luka 7:34 - Dadiya NT

³⁴ Bʊla Nǝlɨ a bɛ, ja lɛ, nɔɔ lɛ, jǝ́ sʊwa lɛ gɔ, ‘Jǝ́ kuwo nǝ jam nɨ jǝbɔ nǝ nɔɔtǝm nɨ jǝbɔ fatǝm nǝb yotǝm kemʌn tǝmɔ, jǝbɔ nǝb bwɨlangkɛlɔ!’

Luka 7:34 Referans Kwoze

Luka 15:2

Nǝngɔ nǝbɔ Farisaɨ, jǝbɔ nǝb mɛlalɨ diilɔ ja tǝl kʊngatǝmɔ jǝ sʊwa lɛ gɔ, “Dʌng balɨ nɨ a jǝla a ja fwalɨ jǝbɔ nǝb bwɨlangkɛlɔ, jǝ ja jǝjalǝnɔ lɛ dakini.”

Yohana 12:2

N daa gɔ ja maa gǝm jǝjalǝn kumɔ woi. Marta nǝn gɔ a tǝga jim jǝjalǝnɨ. Liazaru wo a mʊgɔ nǝbɔ a ja jǝjalǝn dakini jǝbɔ Yesui.

Luka 19:7

Nǝbɔ gwam a kuwo nyɨɨ, jǝ kʊnga lɛ gɔ a shig a lɔ nǝ bwɨlangkɛl.

Luka 14:1

Kaa Kum Fǝbtǝm, nǝngɔ Yesu a shu a lɔ kaa nǝ dʊʊ bwɛ Farisaɨ a daa jatǝm jǝjalǝnɨ. Jǝ tɔɔ gǝn nɛ dangǝn.

Luka 7:36

Kaa bwɛ Farisa a kela Yesu jatǝm jǝjalǝn a lɔ gɔ, nǝngɔ Yesu a yɔ ya yɨ jǝbɔ gɔ, ja lɛɨ.

Luka 5:29

Nǝngɔ Lawi a fɛka Yesu gǝm jǝjalǝn shigtǝm faabǝnɔ a lada a lɔ gɔ, nǝb yotǝm kemʌn tǝmɔ a lada jǝbɔ tangǝn nǝbɔ jǝ wo tʌji, jǝ ja jǝjalǝnɔ lɛ dakini.

Matta 9:11

Nǝbɔ Farisaɨ a kuwo nyɨɨ, nǝngɔ ja sʊwa bɛtɔ mɛlalɨ gǝnɨ gɔ, “N wɛ bwɨ nǝ mɛlalɨ jenɔ ja lɛ jǝbɔ nǝb yotǝm kemʌn tǝmɔ jǝbɔ nǝb bwɨlangkɛlɨ?”

Yohana 2:2

Yesu jǝbɔ bɛtɔ mɛlalɨ gǝnɔ ja jo ji tʌji.

Luka 11:37

Yesu a dɨ sʊwatǝm kɛlɨ, nǝngɔ kaa bwɛ Farisa, a jo gǝn gɔ ba jǝ ja jǝjalǝnɔ a lɔ gɔ. Nǝngɔ Yesu a bwang gǝmɨ ya ja yɨ jatǝm jǝjalǝnɨ.

Matta 5:46

Na jǝ́ swɨ nǝb nɨ swɨ jen nɛɨ, la jǝ́ nya lǝma Kwaamaɨ nyǝn? Nǝb yotǝm kemʌn tǝmɔ mɨ maa lɛ nyɔ ka?

Matta 11:19

Bʊla Nǝlɨ a bɛ, ja lɛ, nɔɔ lɛ, jǝ́ sʊwa lɛ gɔ, ‘Jǝ́ kuwo nǝ jam nɨ jǝbɔ nǝ nɔɔtǝm nɨ jǝbɔ fatǝm nǝb yotǝm kemʌn tǝmɔ, jǝbɔ nǝb bwɨlangkɛlɔ!’ Yʊlan Kwaamaɨ gǝ nʊng dǝngdǝng gǝnɔ a gola nǝb nɨ a bwangtǝnɨ.”

Luka 7:33

Yohana nǝ Yʊtǝm mwɛ Sagsagɔ a bɛɨ, mɨ ja jǝjalǝn nɛ, mɨ nɔɔ bʊgɛ lɛ. Jǝ́ sʊwa lɛ jengɔ, ‘Nǝngǝn nǝn nǝblaam.’

Luka 7:35

Yʊlan Kwaamaɨ gǝ nʊng dǝngdǝng gǝnɔ a gola nǝb nɨ a bwangtǝnɨ.”