Luka 7:2 - Dadiya NT

² A daagɔ kaa dʊʊ sʊwajaam wo wʊnɨ bwɛ jwaalɛ gǝnɔ mɨ kwamɨgǝnɨ, ya bʊla lɛ. Dʊʊ sʊwajaam nɨ swɨ bwɛ jwaalɛ gǝnɔ nɨ lɛ dangǝn.

Luka 7:2 Referans Kwoze

Kolosii 3:22

Jǝ́ jwaalɛbɔ, bɛ jǝ́ bwangtǝn tɛlalɔtɨn jenɔ a yooli nɨɨ a kanjǝlɔ gǝm gwam, ke bɔ maajɨ kuwotǝm nu, na nǝb nɨ swɨ fulotǝm nǝbɔ gǝm nǝl lɛɨ. Jǝ́ maa maajɨ nǝlɔ win, jǝ́ nyʊwa taal Tɛlalɔɨ lɛ.

Luka 23:47

Dʊʊ sʊwajaam nɨ tɨm woi a kuwo jʊ nɨ a bwɨɨ, nǝngɔ a bǝlá Kwaama a sʊwa gɔ, “Bɨlǝngǝn nʊ nɨ n nǝ dǝngdǝng.”

Luka 8:42

Nǝngɔ a kela gǝn gɔ bwɛnɔɔlɨ gǝnɔ nɨ win swarɨ nǝn jolɔ kʊb jeli yoi, gǝ na a nyiyo bwaa. Yesu shu lɛ wo, bwɨ nǝbɨɨ a lada jǝ tʊnga gǝn nɛ.

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Maajɨ Bɛtɔ Twamagɨɨ 27:43

Dʊʊ sʊwajaamɔ swɨ lɛ a bʊʊ nǝn Bulus. Nǝngɔ a kaa ji woi. A nǝ ji diil gɔ gwam nǝb nɨ a nyǝm mwɛɨ, ja tǝl yaltǝm mwɛmɔ ja yɔ a kʌng wɨma.

Maajɨ Bɛtɔ Twamagɨɨ 27:3

Nǝn tǝmsɛlɨɨ, nǝn bɛ a Sidon. Yuliyas dʊʊ sʊwajaam nɨ a maa Bulus gǝm jǝ nya. A bǝla gǝn sǝ a yɔ ya kuwo fatǝlam gǝnɔ, sǝ ja tɨka gǝn.

Maajɨ Bɛtɔ Twamagɨɨ 27:1

Ja fɛka kanga nǝ gun nɛ a tɨyamwɛng nǝn shu a Italiyaɨ, nǝngɔ ja dǝg Bulus jǝbɔ kaam nǝb golmanɔ a kang kaa dʊʊ sʊwajaam dunɔ nǝn Yuliyas, a nya Kaisarɨ.

Maajɨ Bɛtɔ Twamagɨɨ 23:17

Nǝngɔ Bulus a jo kaa win a mʊgɔ dʊʊm sʊwajaam nɨɨ, a sʊwa gǝn gɔ, “Yɔ nǝn bwɛ nɨ a daa dalɨ dʊʊ sʊwajaamɔ woi, a na nǝn jʊ nɨ sʊwa gǝn nɛɨ.”

Maajɨ Bɛtɔ Twamagɨɨ 22:26

Dʊʊ sʊwajaam nɨ a nyʊwa nyɨɨ, nǝngɔ a yɔ a daa dalɨ dʊʊ sʊwajaamɔ woi a sʊwa gǝn gɔ, “N wɛ mʊ saa maatǝmɔ lɛɨ? Balɨ nɨ n nǝ yɨm dul Roma.”

Maajɨ Bɛtɔ Twamagɨɨ 10:7

Bwɛ twama Kwaamaɨ a sʊwa gǝn kɛlɔ a shui, nǝngɔ Karniliyas a jo bɛtɔ jwaalɛn gǝnɔ yo, jǝbɔ kaa sʊwajaam nǝ bwangtǝm Kwaamaɨ a mʊgɔ nǝb nɨ maa gǝm maajɨ lɛɨ.

Maajɨ Bɛtɔ Twamagɨɨ 10:1

Kaa nǝl wo a Kaisar, dunɔ nǝn Karniliyas. Na kaa dʊʊ sʊwajaam Roma, n nya sʊwajaamtɨn nɨ jǝ jo lɛ gɔ nya Italiyaɨ.

Luka 7:1

Yesu a dɨ sʊwatǝm nǝbɔ kɛltɨn nɨ gwamɨ, nǝngɔ a gun a shu a Kafarnahumi.

Luka 7:3

A nyʊwa fulon Yesui, nǝngɔ a twam kaam dʊʊm Yahudawagɨɨ sǝ ja kel gǝn a bɛ, ba gung bwɛ jwaalɛ gǝnɔ.