Luka 7:16 - Dadiya NT

¹⁶ Taalɔ a ta ji gwam. Jǝ bǝlá Kwaama lɛ jǝ sʊwa lɛ gɔ, “Gʌleng nǝkuwotǝmkǝga a bɛ a kʊm bǝn. Kwaama a bɛ sǝ ba tɨka nǝb gǝnɔ.”

Luka 7:16 Referans Kwoze

Luka 7:39

Bwɛ Farisa nɨ a kuwo jʊ nɨ nɔɔlɨ nɨ maa lɛɨ, nǝngɔ a sʊwa a nǝl gǝn gɔ, “Na na nʊ nɨ n nǝkuwotǝmkǝgaɨ, na nyǝm nyǝm gɔ nɔɔlɨ nɨ ke naa gǝnɔ lɛɨ, nǝn nuwo. N nǝ bwɨlangkɛl.”

Matta 9:8

Nǝb nɨ a mʊrkaɨ a kuwo nyɨɨ, nǝngɔ taalɔ a ta jii, ja bǝlá Kwaama nɨ a nǝ nǝbɔ fɔlɔnɨ.

Luka 1:68

“Bɛ bǝ bǝlá Tɛlalɔ Kwaama nǝbɔ Israilaɨ! A bɛ sǝ ba jǝg dul nǝbam gǝnɨ.

Luka 5:26

Nǝbɔ gwam a ta kang a nyiyo, jǝ bǝlá Kwaama lɛ. Jʊ ja kuwoi, taalɔ a ta ji, nǝngɔ ja sʊwa gɔ, “Dwiyen bǝ kuwo jǝ laatǝm kang.”

Luka 2:20

Nǝb tɔɔtǝm kwamɨgɔ a yǝla, jǝ dʊʊl Kwaama lɛ, jǝ bǝlá gǝn nɛ a kɛl nɨ gǝm ja nyʊwaɨ, ja kuwoi, kanga bwɛ twama Kwaamaɨ a sʊwa jii.

Luka 1:65

Taalɔ a ta fatǝm yɨm gǝnɔ gwam. Nǝbɔ yǝm a yem Yahudiyaɨ, ja sʊwa kɛl a dul kanjǝl nɨ a bwɨ gwamɨ.

Matta 21:11

Nǝngɔ nǝb nɨ bwang Yesu gǝm lɛɨ, ja sʊwa gɔ, “Nʊ nɨ nǝn Yesu nǝkuwotǝmkǝga nɨ a Nazarat a tǝm Galilii.”

Matta 15:31

Nǝbɔ a lada a ta kang a nyiyo, jʊ a bwɨɨ ja nyʊwa gɔ nǝbɔ nyiyogɔ a ta taɨ sʊwa kɛl lɛ kǝngkɔ, jǝbɔ nǝbɔ jinʌnɔ a taam taamɨ, jinʌn jinɔ a yǝla kwama tʌgo, nǝbɔ naagɔ a swam swamɨ, yɔ yɔm lɛ, jǝbɔ kululʌmɔ kuwo daagɔ lɛ kǝngkɔ. Nǝngɔ ja bǝlá Kwaama Israilaɨ.

Galatiya 1:24

Nǝngɔ ja bǝlá Kwaama nǝn jʊ nɨ ga maa a daa mǝ woi.

Maajɨ Bɛtɔ Twamagɨɨ 5:5

Nǝn kwama Hananiya a nyʊwam kɛl nɨɨ, nǝngɔ a gǝla yal a tǝm a bʊlaɨ. Nǝn kwama nǝb nɨ gwam a nyʊwam jʊ nɨɨ, taalɔ a ta ji dangǝn.

Yohana 9:17

Nǝngɔ ja yǝla jǝ bʌ balɨ nɨ gɔ, “N wɛ bʊʊlalɨ mʊnɔ a kuwo a dul nʊ nɨ gǝmɨ, nǝmɔ a wum mʊ nui?” Nǝngɔ balɨ nɨ a jǝla ji gɔ, “Nʊ nɨ n nǝkuwotǝmkǝga.”

Yohana 6:14

Nǝbɔ a kuwo jǝ laatǝm kang nɨ Yesu a maaɨ, nǝngɔ ja sʊwa gɔ, “Bɨlǝngkɛl, nʊ nɨ nǝn gɔ nǝkuwotǝmkǝga nɨ ja sʊwa gɔ bɛ lɛ a yooli nɨɨ!”

Yohana 4:19

Nǝngɔ nɔɔlɨ nɨ a sʊwa gǝn gɔ, “Nǝ dʊʊ, mǝ kuwo lɛ mʊ nǝkuwotǝmkǝga.

Yohana 1:25

ja bʌ Yohana gɔ, “Na mʊ ke bɔ Kiristii, mʊ ke bɔ Iliya, mʊ ke bɔ nǝkuwotǝmkǝga nɨɨ, n wɛ a bwɨ mʊ yʊ nǝbɔ mwɛ sagsag lɛɨ?”

Yohana 1:21

Nǝngɔ ja bʌ gǝn gɔ, “Mɔ nǝn nuwo? Mɔ nǝn Iliya ka?” Nǝngɔ a jǝla ji gɔ, “Ɔ ɔ, mǝ ke bɔ gɔ.” “Nǝmɔ mʊ nǝkuwotǝmkǝgagɔ gǝ bɛ lɛɨ ka?” A yǝla jǝla ji gɔ, “Ɔ ɔ.”

Luka 24:19

Nǝngɔ Yesu a bʌ ji gɔ, “N wɛ a bwɨɨ?” Ja jǝla gǝn gɔ, “Kɛlɔ nǝ sʊwa lɛɨ gǝ na a jʊ nɨ a bwɨ nǝn Yesu bwɛ Nazaratɨ. N nǝkuwotǝmkǝga, nǝn kwaan a sʊwatǝm kɛl jǝbɔ maatǝm maajɨ a kǝga Kwaamaɨ jǝbɔ nǝbɔ gwam.

Luka 9:19

Nǝngɔ ja jǝla gǝn gɔ, “Kaamɨ gɔ mʊ nǝn Yohana nǝ Yʊtǝm mwɛ Sagsagɔ. Kaamɨ gɔ mʊ nǝn Iliya. Kaamɨ gɔ mʊ na kaa nǝl win a mʊgɔ nǝbkuwotǝmkǝga nɨ galɨgǝnɨ, a guni.”

Luka 8:37

Nǝbɔ a tǝm Garasinaɨ a kuwo gwam, taalɔ a ta ji. Nǝngɔ ja kela Yesu gɔ a bǝla tǝm jini. Nǝngɔ a yǝla a dɔ mʊgɔ tɨyamwɛngɔ a shui.

Luka 5:8

Kwama nɨ Saminu Bitrus a kuwo jʊ nɨ a bwɨɨ, nǝngɔ a bɛ ba yal a kǝga Yesui gɔ, “Kʌlʌm a daa mɨ woi Tɛlalɔ! Mǝ nǝ bwɨlangkɛl.”

Matta 28:8

Nǝngɔ ja bǝla tuugɔ dǝbǝr dǝbǝr nǝn taalɨ, jǝbɔ fulotǝm nǝl a lada. Jǝ mwal lɛ sǝ ya jǝ sʊwa bɛtɔ mɛlalɨ Yesui.

Maajɨ Bɛtɔ Twamagɨɨ 7:37

“N Musa nɨ a sʊwa nǝbɔ Israilaɨ gɔ, ‘Kwaama tʊng jem tʊng kaa nǝkuwotǝmkǝga na mǝ a kʊm kɛtǝlam jeni.’

Luka 19:44

Ja jʌbo jen jǝbɔ bɛtɔ lɔ jeni, ja tal a tǝm a mʊgɔ kwalɨ jenɔ gǝm. Mɨsɔ jǝ bǝla tɛl lɛ win a dʌbʌl kǝgaɨ. Jǝ maa nyɔ jʊ a bwɨɨ jǝ́ nyǝm bɔ kwama nɨ Kwaama bɛ jem lɛɨ.”

Luka 7:15

Nǝngɔ nʊ nɨ a bʊlaɨ, a gun a yɨɨ, a tǝl sʊwa kɛlɔ lɛɨ. Nǝngɔ Yesu a nǝ nɛnɛ gɨɨ.