Luka 6:8 - Dadiya NT

⁸ Yesu a kwɛl a nyǝm jʊ jǝ bʊʊla lɛɨ, nǝngɔ a sʊwa gǝn gɔ, “Gun ba tɨ a kǝga nǝbɨɨ.” Nǝngɔ nʊ nɨ a gun ba tɨɨ.

Luka 6:8 Referans Kwoze

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Matta 9:4

Yesu a kwɛl a nyǝm bʊʊlalɨ jinɔ, nǝngɔ a sʊwa gɔ, “N wɛ a bwɨ jǝ́ maa bwɨlang bʊʊlalɨ lɛ a nǝl jeni?

1 Bitrus 4:1

Kanga Kiristi a nɔɔ gaalan a bʊtɔɨ, jen tʌjen bɛ jǝ́ fɛka sǝ jǝ́ maa nyɔ, jʊ a bwɨɨ nʊ nɨ a nɔɔ gaalan a bʊtɔɨ, a bǝla maatǝm bwɨlangkɛlɔ.

Ibranii 4:13

Mɨ kaa jǝ fwaltǝm nɨ wo wuu Kwaama gǝm lɛɨ. Kanjǝlɔ gwam gǝ na a talɨ. Ja mɨɨl gǝn a nu nʊ nɨ bǝ kiyo jʊ lɛ bǝ maaɨ a kǝga gǝnɨ.

Filibii 1:28

Ka jǝ́ nyʊwa lɛ taal nǝb kiim jeni wo dǝm. Jʊ nɨ gǝ nʊng gola bʊlatǝm jin. A jenɔ gǝ nʊng gola bʊʊtǝm jen. Nʊngtǝmɔ a bɛ a daagɔ Kwaama woi.

Maajɨ Bɛtɔ Twamagɨɨ 26:26

Fɔlɔgɔ a nyǝm katɨ nɨ. Mǝ sʊwa gǝn kɛlɔ mɨ taal wo. N nǝ bɨlǝngkɛl a nyʊwa jʊtǝb nɨ gwam, jʊ a bwɨɨ ke bɔ daddad ja maaɨ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Yohana 9:4

A yǝlam nyɔ, bǝ ja ja kǝga nǝn maajɨ nʊ nɨ a twam ɨ, nǝn tangǝn kɔkɔ gǝn. Kumɔ bɛ lɛ wo, a kwama gɔ mɨ nʊ nɨ dwal maatǝm maajɨ lɛɨ.

Yohana 2:25

A swɨ bɔ kaa nǝl a sʊwa gǝn kɛl a dul nǝfitʌmi, jʊ a bwɨɨ a kwɛl a nyǝm jʊ a nǝl nǝfitʌmi.

Luka 5:22

Yesu a kwɛl a nyǝm bʊʊlalɨ jinɔ, nǝngɔ a sʊwa ji gɔ, “N wɛ a bwɨ jǝ́ maa bʊʊlalɨ nɨ lɛ nyɔ a nǝl jeni?

Luka 6:9

Nǝngɔ Yesu a sʊwa ji gɔ, “Mǝ bʌ jen kɛl lɛ, n wɛ diilɔ a nʊng gɔ a bʊm ja maa nǝn Kum Fǝbtǝmɨ? Ja maa jǝ nya ka? Ja maa jǝ bwɨla ka? Ja bʊʊ nǝn kʊlɨ ka? Ja jʌ kʊlɨ ka?”

Markus 3:3

Nǝngɔ Yesu a jo nʊ nɨ kangɔ a swam swamɨ gɔ, “Bɛ ba tɨ fɔ a kǝga nǝbɨɨ.”

Luka 13:12

Kwama nɨ Yesu a kuwo gǝnɨ, nǝngɔ a jo gǝn a sʊwa gǝn gɔ, “Nɔɔlɨ, n wʊlaka ń jǝbɔ twɨla litǝm mʊnɔ.”