Luka 6:29 - Dadiya NT

²⁹ Na kaa nǝl a jǝga ń a tangǝlɨ, yǝla gǝm a wini. Na kaa nǝl a yem bɛllɛ dʊʊn mʊnɨ, jǝg bɛ gǝnɔ a mʊgɔɨ nǝ gǝn tʌgo.

Luka 6:29 Referans Kwoze

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.

2 Korinti 11:20

Na kaa nǝl a dǝg jen jwaalɛnɨ, na a yo jǝ jen nǝn kwaanɨ, na a ja jeni, na a nʊng jen gɔ gǝ laɨ, na a jǝga jen a kǝgaɨ, jǝ́ kʊ nǝl.

1 Korinti 6:7

Kabkatǝm kɛl, n yalatǝm a daa jen woi. A laa bɔ jǝl jǝ́ kʊ nǝl, ja bǝm jen ka? A laa bɔ jǝl jǝ́ kʊ nǝl tag ja ja jen ka?

Yohana 18:22

A sʊwa nyɨɨ, kaa win a kʊm nǝb nɨ tɔɔ Kan Kwaamanɔ lɛɨ tɨlam wo nǝn dɔɔmɨ, nǝngɔ a jǝga Yesui, gɔ, “Mʊ jǝla dalɨ nǝkǝla nɨ nyɔ?”

Matta 26:67

Nǝngɔ ja tɛɛka gǝn nǝn tuum a kǝgaɨ, ja bʊg gǝnɨ, kaamɨ a jǝga gǝn.

1 Korinti 4:11

Kǝngkǝnɨ, n jʊwan nǝn nyʊwa lɛɨ, jǝbɔ diil mwɛ. Nǝn dʊʊ tulong dwang. Jǝ bʊg nǝn nɛ. Mɨ nǝn nǝn lɔ.

Luka 22:64

Nǝngɔ ja bwam nu gǝnɨ, ja bʌ gǝn gɔ, “Sʊwa nǝn, nuwo a jǝga ńɨ?”

Maajɨ Bɛtɔ Twamagɨɨ 23:2

Nǝngɔ Hananiya dalɨ nǝkǝlagɔ a dǝg nǝb nɨ tɨm nǝn dɔɔm jǝbɔ Bulusi gɔ ja jǝga gǝn a nyiyoi.

Luka 6:30

Na nǝl a kela ń jǝlɨ, nǝ gǝn. Na nǝl a yem mʊn jǝlɨ, ka ń sʊwa lɛ mɔʊ a yǝla a nǝ ń tʌgo.