Luka 6:24 - Dadiya NT

²⁴ “N mwɛ jen, jǝ́ nǝb shilogɔ, jʊ a bwɨɨ jǝ́ kwɛl jǝ́ yo a jenɔ lǝmagɔ!

Luka 6:24 Referans Kwoze

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

Matta 6:2

Na jǝ́ nǝ nǝb bʊnǝnɔ jǝl lɛɨ, ka jǝ́ guu lɛ jum sǝ nǝbɔ a nyʊwa kanga nǝb fentogɔ gǝ maa lɛ a mʊgɔ keli a kantɨn mɛlalɨ jǝbɔ nu golantɨnɨ, sǝ nǝbɔ a nǝ ji dʊʊnɨ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ gwam.

Yakubu 2:6

A jenɔ jǝ́ soga nǝb bʊnǝnɔ. Ke bɔ nǝb shilogɔ nǝ jen gaalan nɛɨ ka? Ke bɔ ji jǝ gʊ jen nɛ jǝ yɔ nǝn jen a kan borangɨ ka?

Matta 6:16

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Matta 6:5

“Na jǝ́ maa keli lɛɨ, ka jǝ́ maa lɛ keli kanga nǝb fentogɔ gǝ maam lɛɨ, jʊ a bwɨɨ jǝ swɨ lɛ ja tɨ tɨɨ sǝ ja maa keli a mʊgɔ kan mɛlalɨ jǝbɔ daltɔ golantɨn, sǝ nǝbɔ a kuwo ji. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Luka 6:25

N mwɛ jen, jen nɨ jǝ́ boba kǝngkɨɨ, jǝ́ nyʊwa nyʊwa jʊwan. N mwɛ jen, jen nɨ jǝ́ dǝg dǝgɨ lɛ kǝngkɨɨ, jǝ́ ji ji wi bwaa nǝn mwɛ num!