Luka 6:20 - Dadiya NT

²⁰ Yesu a dʌng bɛtɔ mɛlalɨ gǝnɨ, nǝngɔ a sʊwa ji gɔ, “Bwiligɔ na a jen, jen nɨ jǝ́ yǝm a mʊgɔ bʊnǝnɨ, jʊ a bwɨɨ fɔlɔn lɔ Kwaamaɨ na a jen.

Luka 6:20 Referans Kwoze

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Dʊgam Nyangnyang 2:9

N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.

2 Korinti 6:10

Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

2 Tasalonikaɨ 1:5

Jʊ nɨ gwam gǝ nʊng gɔ borang Kwaamaɨ n dǝngdǝng, n gola nɨ jǝ kiyo jen nɛ a mʊgɔ nǝb nɨ a daa tʌgo a fɔlɔn lɔ Kwaamaɨ, wʊnɨ jǝ́ nɔɔ gaalan nɛ a dul gǝnɨ.

1 Tasalonikaɨ 1:6

Jǝ́ banga nǝn nǝbɔ Tɛlalɔ. Jǝ́ yo kɛl Kwaamaɨ nǝn fulotǝm nǝl nɨ Yʊwa Kwaamaɨ nǝ lɛɨ, a mʊgɔ gaalan nɨ jǝ́ nɔɔ lɛɨ.

2 Korinti 8:2

Ji nɨ ja tɛl ji nǝn gaalan bwɨlaɨ, jǝ na a mʊgɔ bʊnǝn bwɨla tag, pʌd fulotǝm nǝl jinɔ a dǝg ji nǝtǝm nǝn nǝlɔ win.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Luka 14:15

Nyʊwatǝm kɛl nɨ nyɨɨ, nǝngɔ kaa win a mʊgɔ fatǝm jatǝm jǝjalǝnɔ jǝbɔ Yesui a sʊwa gǝn gɔ, “Bwiligɔ na a nʊ nɨ ja jǝjalǝn nɨ lɛ a fɔlɔn lɔ Kwaamaɨ.”

Luka 13:28

“Na jǝ́ kuwo Ibrahim, jǝbɔ Ishaku, jǝbɔ Yakubu jǝbɔ nǝbkuwotǝmkǝgagɔ gwam a fɔlɔn lɔ Kwaamaɨ, nǝngɔ a jenɔ ja bǝla jen a yoolii, jitǝm wigɔ wo jǝbɔ kʊʊtǝm nungʌn.

Luka 4:18

“Yʊwa Kwaamaɨ gǝ na jǝbɔ mǝ, nǝn gɔ a jǝg ɨ gɔ ba n kiyo nǝb bʊnǝnɔ gǝm fulon kɛl lǝmɨɨ. Nǝn gɔ a twam ɨ sǝ n ga wulong jǝgtǝm nǝbɔ a golmanɨ, sǝ n wum kululʌmɔ gǝm nu, sǝ n jǝg nǝb nɨ jǝ bǝm ji lɛɨ,

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Luka 16:25

“Nǝngɔ Ibrahim a jǝla gǝn gɔ, ‘Bʊla mɨ, bʊʊla nǝn kwama nɨ mʊ nyʊwam lǝma lɛ, Liazaru gaala lɛɨ. Kwama nɨ kǝngkɨɨ, n kwama nyʊwatǝm lǝma Liazarui, mʊ tǝmʊn n kwama gʌtǝm mʊn.

Matta 5:1

Yesu a kuwo kaam nǝbɔ a lada nyɨɨ, nǝngɔ a gwi yemɔ a yɨ woi. Bɛtɔ mɛlalɨ gǝnɔ a yɔ a daa gǝ woi.