Luka 24:27 - Dadiya NT

²⁷ Nǝngɔ a nʊng ji jʊ ja sʊwa a mʊgɔ mʊlalɨ kɛl Kwaamaɨ gǝm a dul gǝnɨ, jʊ a tǝl a mɛlalɨ Musaɨ a yɔ nǝn a nǝbkuwotǝmkǝgagɔ gwamɨ.

Luka 24:27 Referans Kwoze

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Luka 24:25

Nǝngɔ a sʊwa ji gɔ, “N wɛ a bwɨ jǝ́ fʌmola nyɨɨ? Nǝl jenɔ a bwa nǝtǝm bɨlǝngkɛl nǝn jʊ nɨ nǝbkuwotǝmkǝgagɔ a sʊwa gwamɨ!

Maajɨ Bɛtɔ Twamagɨɨ 7:37

“N Musa nɨ a sʊwa nǝbɔ Israilaɨ gɔ, ‘Kwaama tʊng jem tʊng kaa nǝkuwotǝmkǝga na mǝ a kʊm kɛtǝlam jeni.’

Maajɨ Bɛtɔ Twamagɨɨ 3:24

“N bɨlǝngǝn, nǝbkuwotǝmkǝga nɨ gwam a maa kuwotǝmkǝgaɨ, jʊ a ta a dul Samailaɨ, a ba la nǝn a nǝb nɨ a bɛ a gul gǝnɨ, ja sʊwa kɛl a dul kumtɨn nɨ gǝm.

Maajɨ Bɛtɔ Twamagɨɨ 3:22

“Musa a sʊwa gɔ, ‘Tɛlalɔ jen Kwaama jǝg jem jǝg kaa nǝkuwotǝmkǝgagɔ a kʊm nǝbam jeni, kanga a jǝg ɨ. Bɛ jǝ́ kaa lɔl, jǝ́ nyʊwa jʊ sʊwa jen nɛɨ.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Markus 4:34

Gǝ sʊwa ji kɛlɔ gwam nǝn mʊsǝn kɛl. Nǝn kwama nɨ dakini jǝbɔ bɛtɔ mɛlalɨ gǝnɨ, gǝ sʊwa ji kɛlɔ nyangnyang.

Yohana 5:37

Tɛtɛ mɨ nɨ a twam ɨɨ, nǝn gɔ nǝn kang gǝn a yǝlam nǝ nǝtǝm nyiyo a dul mɨɨ. Jǝ́ nyʊwa bɔ diil gǝnɔ wo naa win. Jǝ́ kuwo bɔ kǝga gǝnɔ wo tag.

Yohana 12:41

Ishaya a sʊwa nyɔ, jʊ a bwɨɨ a kuwo dʊʊlǝn Yesui, a sʊwa fulon gǝnɔ.

Maajɨ Bɛtɔ Twamagɨɨ 3:18

Kwaama a yii jʊ nɨ a sʊwa a nyiyo nǝbkuwotǝmkǝgagɔ gwamɨ gɔ, Kiristi gǝnɔ nyʊwa nyʊwa gaalan.

Maajɨ Bɛtɔ Twamagɨɨ 8:35

Nǝngɔ Filibus a tǝl kiyo gǝm mʊlalɨgɔ lɛ a mʊgɔ langǝn bwangǝn Kwaamaɨ, a sʊwa gǝn fulon kɛl lǝmɨgɔ a dul Yesui.