Luka 22:18 - Dadiya NT

¹⁸ Mǝ sʊwa jen nɛ, a kǝngkǝnɨ mɨsɔ mǝ yǝla lɛ n nɔɔ mwɛ tʊʊl fogfogi nɨ wo tag, na fɔlɔn lɔ Kwaamaɨ a bɛ bɨɨ.”

Luka 22:18 Referans Kwoze

Matta 26:29

Mǝ sʊwa jen nɛ, jʊ a ta a kǝngkɨɨ mɨsɔ mǝ yǝla lɛ n nɔɔ mwɛ tʊʊl fogfogi nɨ wo tag, ba mǝ nɔɔ a fɨ jǝbɔ jen a fɔlɔn lɔ Tɛtɛ mɨɨ.”

Luka 22:16

Mǝ sʊwa jen nɛ, mɨsɔ mǝ yǝla lɛ n ja Dikulom nɨ wo, na kɛl nɨ a yii bɔ a fɔlɔn lɔ Kwaamaɨ.”

Markus 14:25

Bɨlǝngǝn mǝ sʊwa jen nɛɨ, mɨsɔ mǝ yǝla lɛ n nɔɔ mwɛ tʊʊl fogfogi nɨ wo tag, na ke bɔ kɔkɔ nɨ mǝ nɔɔ a fɨ lɛ a fɔlɔn lɔ Kwaamaɨ.”

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

Luka 21:31

Gǝ na nyɔ na jǝ́ kuwo kanjǝl nɨ bwɨ lɛɨ, bɛ jǝ́ nyǝm fɔlɔn lɔ Kwaamaɨ a dwama.

Luka 9:27

“Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ na ja kuwo bɔ fɔlɔn lɔ Kwaamaɨ.”

Markus 15:23

Ja nǝ gǝn bʊgɛ nɨ ja shɛka nǝn mʊngɨ, sǝ a dem gǝm bɔɔla bʊtɔgɔ, a kɔ nɔɔtǝmɔ.

Markus 14:23

Nǝngɔ a do bɛ kʌshi nɔɔmwɛnɨ, a maa keligɨɨ, nǝngɔ a nǝ jii, nǝngɔ pʌd jinɔ ja nɔɔɨ.

Markus 9:1

Nǝngɔ a sʊwa ji gɔ, “Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ na ja kuwo bɔ fɔlɔn lɔ Kwaamaɨ a bɛ nǝn kwaanɨ.”

Matta 16:18

Mǝ sʊwa ń nɛ, mʊ nǝn Bitrus, a dul sunte nɨ mǝ mɔ mʊrkalɨ nǝb bwangtǝm mǝndɨ lɛɨ, wʊnɨ bwaagɔ mɨ nǝn kwaan a dul gǝnɨ.