Luka 21:37 - Dadiya NT

³⁷ Kum jǝbɔ kum Yesu gǝ maa mɛlalɨgɔ a Kan Kwaaman. Na nǝn kwaamɨ, gǝ jel jel a shu a tuli nɨ jǝ jo lɛ gɔ Yem Zaituni, sǝ ya daa wo.

Luka 21:37 Referans Kwoze

Luka 22:39

Yesu a jel a shu a Yem Zaitun kanga gǝ maam lɛɨ, nǝngɔ bɛtɔ mɛlalɨ gǝnɔ a bwang gǝmɨ.

Markus 11:19

Nǝn kwaamɨ, nǝngɔ Yesu a jel jǝbɔ bɛtɔ mɛlalɨ gǝnɔ a mʊgɔ tuulɔngɔ gǝmɨ.

Matta 26:55

Nǝngɔ Yesu a bʌ mʊrkalɨ nǝbɨɨ gɔ, “N wɛ a bwɨ jǝ́ bɛ lɛ nǝn gulʌntɨn jǝbɔ dwamtɨn sǝ ba jǝ́ ta ɨɨ? Kwangkwang mǝ yɨ yɨ a talɨ Kan Kwaaman mǝ maa mɛlalɨ lɛ wo, jǝ́ ta ɨ bɔ.

Matta 21:17

Nǝngɔ a bǝla ji, a jelʌm a tuulɔ gɨɨ, a shu a Betanya ya daa woi.

Matta 21:1

Nǝn kwama Yesu jǝbɔ bɛtɔ mɛlalɨ gǝnɔ ba ja dwama Urushalimagɨɨ, ja bɛ a Betafaji a Yem Zaituni, nǝngɔ a twam bɛtɔ mɛlalɨ gǝnɔ yoi.

Maajɨ Bɛtɔ Twamagɨɨ 1:12

Nǝngɔ bɛtɔ twamagɔ a bǝla Yem Zaituni, wʊnɨ a kɔtʌgo a Urushalimaɨ, kʊtatǝmɔ a la mɛlɔ win. Nǝngɔ ja yǝla a Urushalimaɨ.

Yohana 12:1

Dikulom Yabtǝmɔ a bǝla kumɔ nukuni, nǝngɔ Yesu a yǝla a Betanya, a daa nɨ Liazaru woi, nʊ nɨ Yesu a gung gǝn a bwaaɨ.

Luka 19:37

Ba dwama gǝlalǝng Yem Zaituni, kʌm bɛtɔ mɛlalɨ gǝnɔ gwam ja maa fulotǝm nǝl jǝ bǝlá Kwaama lɛ nǝn diil nǝn jǝ laatǝm kang nɨ ja kuwoi.

Markus 11:12

Nǝn tǝmsɛlɨ jǝ bǝla Betanyagɔ lɛ nyɨɨ, jʊwanɔ a ta Yesu.

Matta 26:30

Nǝn kwama ja mam nafɨgɨɨ, nǝngɔ ja jel ja shu a Yem Zaituni.

Markus 14:49

Kwangkwang mǝ dakini nǝbɔ jen a talɨ Kan Kwaaman mǝ maa mɛlalɨ lɛ, jǝ́ ta ɨ bɔ. Jʊ a bwɨ ja maa jʊ nɨ nyɨɨ, sǝ ja yii jʊ mʊlalɨ kɛl Kwaamaɨ a sʊwaɨ.”

Luka 19:29

Ya dwama Betafaji jǝbɔ Betanyaɨ, ya dwama kaa yem nɨ jǝ jo lɛ gɔ Yem Zaituni, a twam bɛtɔ mɛlalɨ gǝnɔ yo.

Luka 19:47

Maa mɛlalɨgɔ lɛ kum jǝbɔ kum a Kan Kwaaman. Dʊʊm nǝbkǝlamɔ jǝbɔ nǝb mɛlalɨ diilɔ jǝbɔ nǝb dʊʊm nǝbɨɨ jǝ saa lɛ ja jʌ gǝn.

Yohana 18:2

Yahuza, wʊnɨ a lungto gǝnɨ, a nyǝm daagɔ, jʊ a bwɨɨ Yesu gǝ mʊrka wo kwangkwang jǝbɔ bɛtɔ mɛlalɨ gǝnɔ.