Luka 18:7 - Dadiya NT

⁷ Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka?

Luka 18:7 Referans Kwoze

2 Bitrus 3:9

Tɛlalɔ mɨ gǝ tɨla lɛ nǝn swatǝm yaa gǝnɔ, kanga kaamɨ gǝ do tatǝm bʊtɔ lɛɨ. N nǝ bwatǝm nǝl a daa jen woi. A swɨ bɔ kaa nǝl a kala. Swɨ lɛ nǝbɔ gwam a yǝla a bǝla bwɨlangkɛl jinɔ.

Luka 11:13

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ Yʊwa Kwaamaɨ lɛ a nǝb nɨ a kela gǝnɨ!”

1 Timoti 5:5

Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.

Dʊgam Nyangnyang 6:10

Nǝngɔ ja gung diilɔ nǝn kwaan ja sʊwa gɔ, “Nǝ dʊʊ Tɛlalɔ, nǝ sagsag, nǝ bɨlǝngkɛl, n fɨyang mʊ mwatɨ nǝbɔ yoolii nɨ gǝm borangɔ lɛɨ? N fɨyang tag mʊ ywa naan tʊʊm nǝnɔ lɛ a daagɔ nǝb nɨ a jʌ nǝnɨ?”

2 Tasalonikaɨ 1:6

Kwaama n nǝ dǝngdǝng, ywa ywa naanɔ a dul nǝb nɨ nyʊwa jem lɛɨ.

Luka 2:37

A yǝlam nɔɔkʊla jolɔ fʊlnaalǝb jeli naal. Mɨ bǝla Kan Kwaamanɔ lɛ, nǝ Kwaama dʊʊn nɛ nǝn dotǝm diil mwɛ, maa keli lɛ kum jǝbɔ kɔkɔ.

Matta 7:11

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ kanjǝl nyan nɛ, a nǝb nɨ a kela gǝnɨ!

Dʊgam Nyangnyang 18:20

Jǝ́ maa fulotǝm nǝl a dul gǝn, jen nɨ jǝ́ yǝm a dʌbʌl kwamaɨ! Jǝ́ maa fulotǝm nǝl a dul gǝn, jǝ́ nǝb sagsagɔ jǝbɔ bɛtɔ twamagɔ, jǝbɔ nǝbkuwotǝmkǝgagɔ! Jʊ a bwɨɨ Kwaamagɔ a mwɛ Babilagɔ a dul jʊ nɨ ga maa jemi!”

1 Tasalonikaɨ 3:10

Kum jǝbɔ kɔkɔ nǝn maa keli lɛ dangǝn mɨ tɨtǝm wo, sǝ nǝn nya kuwotǝm jenɔ kǝga jǝbɔ kǝga, sǝ nǝn yii jʊ nɨ a gɨya a nǝtǝm bɨlǝngkɛl jenɔ gǝmɨ.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

Roma 8:33

Nuwo yɔ lɛ nǝn nǝb nɨ Kwaama a jǝgǝmɨ a kan borangɨ? Kwaama nǝn kang gǝn a dǝg ji ja yǝlam nǝb dǝngdǝng a kǝga gǝn.

Dʊgam Nyangnyang 7:15

A kɛl dul jʊ nɨ, “Jǝ tɨm a kǝga kotere fɔlɔn Kwaamaɨ, jǝ maa gǝm maajɨ lɛ kum jǝbɔ kɔkɔ a mʊgɔ Kan Kwaaman. Nʊ nɨ yǝm a dʌbʌl kotere fɔlɔnɨ kɨla ji kɨla nǝn kwaan gǝnɔ.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

2 Timoti 1:3

N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.

Matta 24:22

Na ja mwatɨm bɔ kumtɨn nɨɨ, na mɨ nǝfili nɨ wo bʊʊ lɛɨ. Jʊ a bwɨ ja mwatɨm kumtɨn nɨɨ, n nǝb nɨ ja jǝgamɨ.

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Luka 21:28

Na kanjǝl nɨ a tǝl bwɨ lɛɨ, bɛ jǝ́ gung dul jenɔ, jǝ́ dʌng dʌbʌlɔ, jǝgtǝm jenɔ a dwama.”

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

1 Bitrus 1:1

Nǝmǝ mǝ Bitrus, bwɛ twama Yesu Kiristii. Mǝ mʊla langǝn bwangǝn nɨ mǝ tʊng a daagɔ nǝb nɨ Kwaama a jǝgǝm jǝgǝmɨ, nǝbɔ n Bʌtʌb a yoolii, ja kwɨya nǝn kwan a tǝm Fantasɨ, jǝbɔ Galatiyaɨ, jǝbɔ Kafadokiyaɨ, jǝbɔ Asiyaɨ, jǝbɔ Bitiniya tagɨ.