Luka 16:24 - Dadiya NT

²⁴ Nǝngɔ a jo jangajǝl gɔ, ‘Ibrahim, n kela ń, ji bʊnǝn mɨɨ, tʊng Liazaru ba dǝg bawuli kang gǝnɔ a mwɛ sǝ a mal mɨ a ben mǝndɨ gǝm. Ya mǝ bʊla lɛ a mʊgɔ kǝla nɨ gǝm.’

Luka 16:24 Referans Kwoze

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

Dʊgam Nyangnyang 20:15

Nʊ nɨ ja mʊla bɔ dun gǝnɔ a mʊgɔ langǝn bwangǝn kʊlɨɨ, jǝ mam gǝn fʌlen a mʊgɔ gʌto kǝla.

Yakubu 3:6

Ben nǝlɨ n kǝla. N bwɨlang yooli a mʊgɔ bʊtɔ bǝn! Benɔ gǝ kal kal nǝl gwam a mʊgɔ yɨm gǝnɔ gǝm. Benɔ dul gǝn lɔ kǝla kul gǝm kǝla lɛɨ.

Luka 16:30

“Nǝngɔ gɔ, ‘Ɔ ɔ, tɛtɛ Ibrahim. Na nʊ nɨ a kwɛl a bʊla bʊlaɨ a yɔ nǝn kɛlɨ, jǝ yǝla yǝla ja bǝla bwɨlangkɛlɔ.’

Luka 3:8

Jǝ́ maa maajɨ nɨ nʊng lɛ gɔ jǝ́ yǝla jǝ́ bǝla bwɨlangkɛl jeni. Bɛ ka jǝ́ bʊʊla lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Yakubu 2:13

Jʊ a bwɨɨ nǝn kwama mwɛlɔ, Kwaama mɨsɔ ji bʊnǝn nʊ nɨ lɛ mɨ nǝn bʊnatǝmɨ. Jʊ a bwɨɨ bʊnatǝmɔ laa laa kwaan mwɛlɔ.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

Roma 4:12

Nǝn gɔ tag a yǝlam tɛtɛ nǝb biyotǝm mwɛnɨ, nǝb nɨ ke bɔ biyotǝm mwɛn kwaagɔ jǝ nǝngǝnɨ. Jǝ bwangtǝn gola nǝtǝm bɨlǝngkɛl tʊga bǝn Ibrahimi, wʊnɨ tǝgǝn a bwangtǝn na lǝga bɔ ja biyo gǝm mwɛnɨ.

Yohana 7:37

Nǝn kum dɨltǝm dikulomɔ, wʊnɨ a yǝlam kɔkɔ dʊʊn dikulomi, nǝngɔ Yesu a gun a tɨɨ a gung diilɔ sʊwa lɛ gɔ, “Nʊ nɨ nyʊwa diil mwɛn nɛɨ, bɛ ga bɛ a daa mɨ woi sǝ ga nɔɔ.

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Matta 3:9

Bɛ ka jǝ́ sʊwa lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Luka 19:9

Yesu a sʊwa gǝn gɔ, “Dwiyen ń nya bʊʊlɨ a lɔ mɔ, jʊ a bwɨɨ, mʊ nǝn bʊla Ibrahimi tǝmʊn.