Luka 14:21 - Dadiya NT

²¹ “Nǝngɔ bwɛ jwaalɛ nɨ a yǝla ya sʊwa tɛlalɔ gǝnɔ jʊ ja sʊwa gǝnɨ. Nǝngɔ a maa nabwɨlɨ, a sʊwa bwɛ jwaalɛ gǝnɔ gɔ, ‘Jel yagɨ yagɨ yɔ a golantɨn jǝbɔ sʊgɔlɔngtɨn, ya mʊr mɨ nǝb nɨ mɨ nǝn kaa jǝlɨ, jǝbɔ nǝbɔ mɨ nǝn naaɨ, jǝbɔ kululʌm, jǝbɔ nǝbɔ bʊtɔgɔ a swam swamɨ, ya bɛ nǝn ji.’

Luka 14:21 Referans Kwoze

Luka 14:13

Kwama mʊ jo nǝb jatǝm jǝjalǝn nɛɨ, bɛ ń jo nǝbɔ mɨ nǝn jǝlɨ, bɛ ń jo nǝbɔ mɨ nǝn naaɨ, jǝbɔ nǝbɔ bʊtɔgɔ a swam swamɨ, jǝbɔ kululʌmɔ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Yohana 9:39

Nǝngɔ Yesu a sʊwa gɔ, “Mǝ dɔ yooli nɨ sǝ n maa borang, sǝ nǝb nɨ mɨ kuwo daa lɛɨ, ja nya kuwotǝm daa, sǝ nǝb nɨ kuwo daa lɛɨ, a yǝlam kululʌm.”

Luka 14:24

Mǝ sʊwa jen nɛ, nǝb nɨ mǝ jo nǝn tɨkǝgaɨ, mɨ kaa nǝl wo a kʊm jin twɨ jǝjalǝn nɨ lɛ mǝ fɛkaɨ.’ ”

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.

Dʊgam Nyangnyang 19:15

A mʊgɔ nyiyo gǝn kaa gulʌn nɨ a ja jaɨ jel lɛ wo, wʊnɨ kabam bǝlǝntǝmɔ lɛ nǝnɨ. Maa jim maa fɔlɔn nǝn dwam kemʌn. Falam falam tʊʊl fogfogigɔ, wʊnɨ nǝn gɔ nabwɨl Kwaamaɨ, Nǝ kwaan.

Ibranii 13:17

Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.

Luka 24:47

A mʊla mʊlaɨ tag gɔ, jǝ kiyo kiyo nǝbɔ gǝm kɛl Kwaamaɨ gwam a mʊgɔ dun gǝn sǝ ja yǝla ja bǝla bwɨlangkɛl jinɔ, sǝ ja kǝlǝm bwɨlangkɛlɔ a tǝmɔ gǝm gwam, jǝ tǝl a Urushalima.

Matta 11:28

“Jǝ́ bɛ a daa mɨ woi gwam jǝ́ nǝb nɨ jǝ́ dɔta lɛ, jǝ́ gʌ lɛ nǝn kʊlǝn nɨ a tuu tuui a dul jeni, mǝ nǝ jen nǝ fǝbtǝm.

Luka 9:10

Kwama nɨ bɛtɔ twama gǝnɔ a yǝlamɨ, nǝngɔ ja sʊwa Yesu kanjǝl nɨ ja maa a yɔm jinɔ gǝmɨ. Nǝngɔ ja waam ja shu jǝbɔ gɔ a kaa tuulɔ nɨ jǝ jo lɛ gɔ Betsaidaɨ.

Matta 18:31

Nǝn kwama tangǝn bɛtɔ jwaalɛn nɨ a kuwo jʊ nɨɨ, ja nyʊwa bɔ lǝma dangǝn. Nǝngɔ ja yɔ ya ja sʊwa tɛlalɔ jinɔ kanga kanjǝl nɨ a bwɨɨ.

Matta 15:12

Nǝngɔ bɛtɔ mɛlalɨ gǝnɔ a bɛ a daa gǝ woi ja bʌ gǝn gɔ, “Mʊ nyǝm bɔ nǝbɔ Farisaɨ a maa nabwɨl nǝn kwama ja nyʊwa kɛl nɨɨ ka?”

Luka 14:20

“A wini tǝgǝn gɔ, ‘N kumtɨn nɨ mǝ naa nɔɔlɨɨ, mɨsɔ mǝ ke kang lɛ n yɔ.’

Luka 14:22

“A ta bɔ bʊtɔ, nǝngɔ bwɛ jwaalɛ nɨ a yǝla a bɛ gɔ, ‘Tɛlalɔ, ya n maa jʊ mʊ sʊwaɨ, daagɔ a bǝla wo, nǝbɔ a yii bɔ.’

Matta 20:7

“Nǝngɔ ja sʊwa gɔ, ‘Mɨ nʊ nɨ wo a nǝ nǝn maajɨ maatǝmɨ.’ “Nǝngɔ a sʊwa ji gɔ, ‘Jen tʌjen jǝ́ yɔ a tɔtwam mɨ.’