Luka 14:18 - Dadiya NT

¹⁸ “Nǝngɔ gwam jinɔ ja bɛ nǝn tabatǝm fɨɨ. Nʊ nɨ ga jo nǝn kǝgaɨ gɔ, ‘N ten twam fɨ ya mǝ dʌng dʌng. N kela ń, mɨsɔ mǝ ke kang lɛ.’

Luka 14:18 Referans Kwoze

Luka 18:24

Yesu a dʌng gǝnɨ, nǝngɔ a kuwo nǝl gǝnɔ a kalaɨ, nǝngɔ a sʊwa gɔ, “Bwa bwa sǝ nǝb shilo a nya dɔtǝm fɔlɔn lɔ Kwaamaɨ.

2 Timoti 4:4

Jǝ mǝlalam mǝlalam lɔl jinɔ a nyʊwatǝm bɨlǝngkɛl sǝ ja yǝla a nyʊwalatǝm shinitɨn.

Yohana 5:40

Jǝ́ kɔ bɛtǝmɔ a daa mɨ woi sǝ jǝ́ nya kʊlɨ.

Yohana 1:11

A bɛ a yooli nɨ, wʊnɨ na a gɨɨ, nǝbam gǝnɔ a yo gǝn bɔ.

Luka 8:14

Dʊʊm nɨ a tǝla a kʊm sholaɨ, n nǝb nɨ a nyʊwa kɛl Kwaamaɨ. Na jǝ daamɨ, komʌn kanjǝl yooligɔ, jǝbɔ saatǝm shilogɔ jǝbɔ nyʊwatǝm lǝmagɔ ba bǝmǝm bɨlǝngkɛlɔ. Mɨ jǝ maa jǝ nya lɛɨ.

Ibranii 12:16

Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

2 Timoti 4:10

jʊ a bwɨ mǝ sʊwa nyɨɨ, Dimas nǝ swɨtǝm yooli nɨ a bǝla ɨ, a shu a Tasalonika. Karaska a shu a tǝm Galatiya. Titus tǝgǝn a shu a tǝm Dalmatiya.

Luka 14:17

Nǝn kwamagɔ kangwaalɔ a bɨɨ, nǝngɔ a twam bwɛ jwaalɛ gǝnɔ gɔ ya sʊwa nǝbɔ ga twam jimi ja bɛ, kangwaalɔ a bɨɨ.

Luka 14:19

“A wini gɔ, ‘N ten nɛɛ jʊngtǝm twam kʊb. Mǝ yɔ sǝ n tɛl ji. N kela ń, mɨsɔ mǝ ke kang lɛ.’

Filibii 3:4

mǝ tǝmɨ mǝ ya ya nǝl a maajɨ bʊtɔ na mǝ swɨ lɛɨ. Na kaam nǝbɔ ji nǝn jǝ yatǝm nǝl a maajɨ bʊtɔɨ, mǝ tǝmɨ mǝ nǝngǝn, n laa ji.