Luka 13:33 - Dadiya NT

³³ A yǝlam nyɔ n ja kǝga nǝn yɔmɔ dwiyen, fʌng jǝbɔ jil. A bʊm bɔ ja jʌ nǝkuwotǝmkǝga a yooli na ke bɔ a mʊgɔ Urushalimaɨ.

Luka 13:33 Referans Kwoze

Luka 9:53

Nǝbɔ Samariyaɨ a kɔ yotǝm gǝnɔ, jʊ a bwɨɨ a sɨn gɔ gǝ yi a Urushalima.

Matta 21:11

Nǝngɔ nǝb nɨ bwang Yesu gǝm lɛɨ, ja sʊwa gɔ, “Nʊ nɨ nǝn Yesu nǝkuwotǝmkǝga nɨ a Nazarat a tǝm Galilii.”

Maajɨ Bɛtɔ Twamagɨɨ 13:27

N wɔ nǝbɔ Urushalimaɨ jǝbɔ nǝb dʊʊmɔ ja nyǝm bɔ gɔ nǝn Nǝbʊʊlɨ. Ja nyǝm bɔ kɛl nǝbkuwotǝmkǝgagɨɨ, wʊnɨ jǝ kiyo lɛ nǝn Kum Fǝbtǝmɨ. Ja yii kɛl nǝbkuwotǝmkǝgagɨɨ nǝn kwama ja mwatɨ Yesu gǝm borangɨ.

Matta 20:18

“N wɔ bǝ gwi bǝ yi a Urushalima. Jǝ nǝ nǝ Bʊla Nǝlɨ a kang dʊʊm nǝbkǝlamɨɨ, jǝbɔ nǝb mɛlalɨ diilɔ. Jǝ mwatɨ gǝm borang jʌtǝm.

Yohana 11:54

A dul kɛl nɨɨ, Yesu a yɔ bɔ yɔm nyangnyang a mʊgɔ Yahudawagɨɨ. A bǝla daa gɔ, a shu a kaa tuulɔ wʊnɨ jǝ jo lɛ gɔ Ifraimui (wʊnɨ a kɔtʌgo a kwaranɨ). N daa gɔ a yɨ wo jǝbɔ bɛtɔ mɛlalɨ gǝnɨ.

Yohana 9:4

A yǝlam nyɔ, bǝ ja ja kǝga nǝn maajɨ nʊ nɨ a twam ɨ, nǝn tangǝn kɔkɔ gǝn. Kumɔ bɛ lɛ wo, a kwama gɔ mɨ nʊ nɨ dwal maatǝm maajɨ lɛɨ.

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Yohana 12:35

Nǝngɔ Yesu a sʊwa ji gɔ, “Nyalǝmɔ gǝ na jǝbɔ jen, kumtɨnɔ mɨsɔ lada lɛ. Jǝ́ yɔ yɔmɔ kwama nyalǝmɔ jǝbɔ jeni, kage kumtojiligɔ a nya jen. Nʊ nɨ yɔ yɔm lɛ a kumtojilii, mɨsɔ nyǝm daa nɨ lɛ gǝ shum lɛ woi.

Yohana 11:9

Nǝngɔ Yesu a jǝla ji gɔ, “Kemʌnɔ kʊb jeli yo a kɔkɔ, mɨ nyɔ ka? Gwam nʊ nɨ yɔ yɔm lɛ nǝn kɔkɔɨ, mɨ gǝ fǝ naa lɛ, jʊ a bwɨɨ kuwo nyalǝm yooligɔ lɛ.