Luka 12:5 - Dadiya NT

⁵ Mǝ sʊwa jen sʊwa nʊ nɨ jǝ́ nyʊwa taal gǝnɔ lɛɨ. Jǝ́ nyʊwa taal nʊ nɨ na a jʌ bʊtɔgɨɨ, nǝn kwaan a mal dʊʊmɨgɔ a mʊgɔ lɔ kǝlaɨ. Bɨlǝngkɛl mǝ sʊwa jen nɛɨ, nǝn gɔ nʊ jǝ́ nyʊwa taal gǝnɔ lɛɨ.

Luka 12:5 Referans Kwoze

2 Bitrus 2:4

Kwaama a nyʊwa bɔ bʊnatǝm bɛtɔ twama gǝnɨ kwama ja maam bwɨlangkɛlɨ, a mal ji a lɔ kǝla. A tʊng ji a bʊwantɨn nɨ a tushi a fi kumtojilii, sǝ ba la nǝn di mwatɨtǝm borangɔ.

Matta 10:28

Ka jǝ́ nyʊwa lɛ taal nǝb nɨ jʌ bʊtɔgɔ lɛ, mɨ ji nǝn kwaan nɨ jǝ jʌ dʊʊmɨgɔ lɛɨ. Jǝ́ nyʊwa taal nʊ nɨ nǝn kwaan jʌtǝm bʊtɔgɔ jǝbɔ dʊʊmɨgɔ a mʊgɔ lɔ kǝlaɨ.

Dʊgam Nyangnyang 14:7

Nǝngɔ a gung diil gǝnɔ nǝn kwaan a sʊwa gɔ, “Bɛ jǝ́ nyʊwa taal Kwaamaɨ, jǝ́ nǝ gǝn dʊʊn, jʊ a bwɨɨ kwama borang gǝnɔ a bɛ. Jǝ́ jʊng jǝ́ bǝlá gǝn. Jʊ a bwɨɨ, nǝn gɔ a fɛ dʌbʌl kwamagɔ jǝbɔ tǝmɨ, jǝbɔ wɨmagɔ jǝbɔ dɨyalɨ mwɛtɨnɔ.”

Ibranii 10:31

N jǝ taal na nǝl a yal a nabwɨl Kwaama kʊlɨɨ.

Dʊgam Nyangnyang 20:14

Bwaagɔ jǝbɔ daa yamtǝm borangɔ jǝ mal ji a mʊgɔ gʌto kǝla. Gʌto kǝla nɨ nǝn gɔ bwaa na yogɨɨ.

1 Tasalonikaɨ 4:6

A mʊgɔ jʊ nɨ ka nǝl ya maa lɛ kɨla gɔ gǝm bwɨlangkɛl, a ja mɨbam gǝnɔ. Jʊ a bwɨɨ Tɛlalɔ biyo gǝm biyo borang a dul kanjǝl nɨɨ, kanga nǝn sʊwa jen a tǝltǝmɨ, nǝn gʊ jem lɔlɨ.

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

Dʊgam Nyangnyang 15:4

Nuwo mɨsɔ nyʊwa taal mʊnɔ lɛɨ, Tɛlalɔ? Nuwo mɨsɔ dʊʊl dun mʊnɔ lɛɨ? Jʊ a bwɨɨ nǝmɔ win swar mʊ sagsagɨ. Bǝlǝntǝmɔ pʌd ba jǝ jʊng jʊng ja maa mʊn bǝlátǝm, jʊ a bwɨɨ maajɨ nyan mʊnɔ a nʊng.”

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Markus 13:23

A dul kɛl nɨɨ, bɛ jǝ́ nyǝm! N kwɛl n sʊwa jen sǝla kanjǝl nɨ a bwɨ.