Luka 12:42 - Dadiya NT

⁴² Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 12:42 Referans Kwoze

Ibranii 13:17

Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.

Ibranii 13:7

Bɛ jǝ́ bʊʊla nǝn nǝb dʊʊm jenɔ galɨgǝnɨ, nǝb nɨ a kiyo jem kɛl Kwaamaɨ. Jǝ́ dʌng yɨm jinɔ. Bɛ jǝ́ maa mɛlalɨ nǝn nǝtǝm bɨlǝngkɛl jinɔ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

1 Timoti 5:17

Nǝb dʊʊm nɨ maa maajɨ lɛ dǝngdǝng a mʊrkalɨ nǝb bwangtǝm Kwaamaɨ, bɛ ja nǝ ji dʊʊn a lada, ja ywa ji dangǝn, a ga keli a nǝb dʊʊm nɨ kiyo kɛl Kwaamaɨ lɛɨ jǝbɔ mɛlalɨɨ.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.

Titus 1:7

A na nyɔ tag nǝ dʊʊ dʌngtǝm nǝb Kwaamaɨ bɛ a yǝlam mɨ nǝn jǝ tuwol, ke bɔ nǝ bǝngɨ lɔl, mɨ maa nabwɨl lɛ dǝbǝr jǝbɔ nɔɔtǝm jʊ nɨ maa gǝn nɛɨ, ke bɔ nǝ bʊgtǝm nǝbɨɨ jǝbɔ nǝ wɛl kemʌn.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Matta 20:8

“Nǝn kwaamɨ, nǝngɔ nǝ tɔtwamɔ a sʊwa nǝ dʊʊgɔ gɔ, ‘Jo nǝb maajɨgɔ, ń ywa ji kemʌn maajɨ jinɔ, tǝl nǝn nǝb maajɨ kwaamɨgɔ dɨsɔ ń dɨl nǝn nǝb kumsʌlɔ.’

Ibranii 3:5

Musa n nǝ tatǝm swatǝm yaa na bwɛ jwaalɛ a mʊgɔ lɔ Kwaamaɨ gwam. N nǝ nǝtǝm nyiyo a dul jʊtǝb nɨ jǝ sʊwa kɛl jinɔ lɛ a kǝgaɨ.

1 Timoti 3:15

na a yǝlam mǝ ta ta bʊtɔɨ, bɛ ń nyǝm yɨm nɨ a bʊm nǝbɔ yɨ lɛ a mʊgɔ lɔng Kwaamaɨ, wʊnɨ nǝn gɔ mʊrkalɨ nǝb bwangtǝm Kwaamaɨ, a Kwaama Nǝ Kʊlɨɨ. Mʊrkalɨ nǝb bwangtǝm Kwaamaɨ nǝn gɔ tɨya lɔng bɨlǝngkɛlɔ jǝbɔ fʌlʌm gǝnɨ.

Luka 7:13

Kwama Tɛlalɔ a kuwo nɔɔlɨ nɨɨ, nǝngɔ a ji bʊnǝn gǝnɨ, a sʊwa gǝn gɔ, “Bɛ ka ń ji lɛ wi.”

Matta 13:52

Nǝngɔ a sʊwa ji gɔ, “Gwam nǝ mɛlalɨ diil nɨ a yǝlam bwɛ mɛlalɨ a fɔlɔn lɔ Kwaamaɨ, gǝ na na tɛlalɔ nɨ a jǝg shilo fɨ jǝbɔ shilo galɨ a daa yatǝm jini.”

Luka 7:19

Nǝngɔ a jo yo a kʊm jini. A twam ji a daa Tɛlalɔ woi, gɔ ja bʌ gǝn, “Nǝmɔ wʊnɨ ja sʊwa gɔ bɛ lɛɨ ka? Nǝ dʌng kaa nǝl ka?”

Luka 12:43

Bwiligɔ na a bwɛ jwaalɛ nɨɨ, na tɛlalɔ gǝnɔ a yǝla a bɛ ba nya gǝn maa lɛ nyɨɨ.