Luka 12:33 - Dadiya NT

³³ Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Luka 12:33 Referans Kwoze

Matta 19:21

Nǝngɔ Yesu a sʊwa gɔ, “Na mʊ swɨ lɛ ń yǝlam dǝngdǝngɨ, yɔ ya miyo jʊ mʊ nǝnɨ gwam, ń nǝ nǝb bʊnǝnɔ, mʊ nya nya shilo a dʌbʌl kwama, sǝla ń bɛ ba ń bwang mɨ.”

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

Maajɨ Bɛtɔ Twamagɨɨ 2:45

Jǝ miyo kʊla jinɔ lɛ jǝbɔ kanjǝlɔ jǝ nǝnɨ, nǝngɔ ja tǝga kemʌnɔ lɛ a kʊm jini. Nǝb nɨ mɨ nǝnɨ, ja nǝ ji kanga la jim lɛɨ.

Luka 16:9

Mǝ sʊwa jen nɛ, bɛ jǝ́ maa maajɨ nǝn shilo yooli nɨ sǝ jǝ́ nya fatǝm nǝn, sǝ na kanjǝl jenɔ a dɨɨ, jǝ yo jen yo a daa yɨm nɨ mɨ dɨtǝm woi.

Luka 12:21

“Nʊ nɨ a mʊr dul gǝnɔ gǝm shilo tǝm nɨ a twabǝm nǝn Kwaamaɨ, gǝ na na nʊ nɨ mǝ sʊwa kɛl gǝnɔ a mʊsǝn kɛl nɨ.”

2 Korinti 8:2

Ji nɨ ja tɛl ji nǝn gaalan bwɨlaɨ, jǝ na a mʊgɔ bʊnǝn bwɨla tag, pʌd fulotǝm nǝl jinɔ a dǝg ji nǝtǝm nǝn nǝlɔ win.

Yohana 12:6

Yahuza a sʊwa kɛl nɨɨ, ke bɔ bʊʊlalɨ nǝb bʊnǝnɔ a maaɨ, jʊ a bwɨɨ n nǝkuu. Nǝn gɔ ta bǝla kemʌn jinɔ lɛɨ. Gǝ kuu kuu kemʌnɔ a mʊgɔ gǝn a tɨka dul gǝnɔ nǝn.

Luka 11:41

Jǝ́ nǝ nǝb bʊnǝnɔ jʊ nɨ a kang jeni, sǝ kanjǝl jenɔ a yǝlam sagsag.