Luka 12:28 - Dadiya NT

²⁸ Na Kwaamagɔ a fɛ yǝlagɔ a bʊm nyɨɨ, wʊnɨ nǝn kʊlɨ, fʌng ja mal a gaakǝba, mɨsɔ nǝ jen dʊʊl nɨ lɛ a laa nyɨɨ ka? Jǝ́ nǝb nɨ nǝtǝm bɨlǝngkɛl jenɔ a lada bɨɨ!

Luka 12:28 Referans Kwoze

Matta 14:31

Tʌgo a kang nǝngɔ Yesu a mal kang gǝnɔ a ta gǝnɨ, nǝngɔ a sʊwa gǝn gɔ, “Mɔ nǝ nǝtǝm kǝlɨ bɨlǝngkɛl, n wɛ a bwɨ mʊ kǝma lɛɨ?”

Matta 17:20

Nǝngɔ Yesu a sʊwa ji gɔ, “Jʊ a bwɨɨ nǝtǝm bɨlǝngkɛl jenɔ nǝn dǝm nyɔ. N bɨlǝngǝn mǝ sʊwa jen nɛɨ, na jǝ́ nǝngǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa yem nɨ jengɔ a bǝla daa nɨ, a bǝla. Mɨ jʊ nɨ wo laa kwaan jenɔ lɛɨ.” [

Matta 6:30

Na Kwaamagɔ a fɛ yǝlagɔ a bʊm nyɨɨ, dwiyen nǝn kʊlɨ, fʌng ja mal a gaakǝba, mɨsɔ nǝ jen dʊʊl nɨ lɛ a laa nyɨɨ ka? Jǝ́ nǝb nɨ nǝtǝm bɨlǝngkɛl jenɔ a lada bɨɨ.

1 Bitrus 1:24

N jʊ a bwɨ kɛl Kwaamaɨ a sʊwa gɔ, “Nǝfitʌmɔ gwam a maa na yǝla. Dʊʊlǝn jinɔ gwam a maa na fɨlǝn yǝla a talɨ. Yǝlagɔ gǝ kʊshɨ kʊshɨ, fɨlǝnɔ gǝ tǝlam tǝlam.

Luka 8:25

Nǝngɔ a bʌ ji gɔ, “Nǝtǝm bɨlǝngkɛl jenɔ fee?” Taalɔ a ta ji, nǝngɔ ja ta kang a nyiyoi. Nǝngɔ jǝ bʌbko lɛɨ gɔ, “Nʊ nɨ nuwo yʊwagɔ jǝbɔ mwɛmɔ mʊla lɛɨ nyʊwa kɛl gǝnɔ lɛɨ?”

Matta 17:17

Nǝngɔ Yesu a jǝla ji gɔ, “Jǝ́ nǝbɔ kal nɨɨ, mɨ jen nǝn nǝtǝm bɨlǝngkɛl, jǝ́ nǝb bwɨlan, naa nyǝn mǝ yɨ lɛ nǝbɔ jeni, naa nyǝn mǝ kʊ nǝl lɛ nǝn jeni? Jǝ́ bɛ mɨ nǝn bwɛ balɨ nɨ fɔ.”

Matta 16:8

Yesu a kwɛl a nyǝm bʊʊlalɨ jini, nǝngɔ a sʊwa gɔ, “Jen, jǝ́ nǝb nɨ nǝn nǝtǝm bɨlǝngkɛl nǝn dǝm nyɨɨ, n wɛ a bwɨ jǝ́ sʊwa lɛ a kʊm jen, jengɔ mɨ jen nǝn kʊkkʊmɨ?

Matta 8:26

Nǝngɔ a sʊwa ji gɔ, “Jǝ́ nǝb nǝtǝm bɨlǝngkɛl nǝn dǝm nyɔ! Wɛ a bwɨ jǝ́ nyʊwa taal lɛɨ?” Nǝngɔ a gun a ga yʊwa mwɛmɔ jǝbɔ mwɛmɔ mʊla lɛɨ gǝm wulongi, yʊwagɔ jǝbɔ mwɛ nɨ mʊla lɛɨ, a tɨ.

Ibranii 6:7

Tǝm nɨ nɔɔm mwɛmɔ lɛ jǝ swiyo gǝm lɛ kwangkwangɨ, jǝg nǝbɔ gǝm jǝjalǝn nyanɔ lɛ wʊnɨ jǝ jʊng lɛ a dul gǝnɨ, Kwaama dǝg gǝm dǝg bwili.