Luka 11:9 - Dadiya NT

⁹ “Mǝ sʊwa jen nɛ, ya jǝ́ kel lɛ, jǝ nǝ jen nǝ. Ya jǝ́ saa lɛ, jǝ́ nya nya. Ya jǝ́ yal jǝl lɛ, jǝ wum jem wum nyanga kanɔ.

Luka 11:9 Referans Kwoze

Markus 11:24

Gǝ na nyɔ mǝ sʊwa jen nɛ, jʊ nɨ gwam jǝ́ kela Kwaama a mʊgɔ keli, bɛ jǝ́ nǝ bɨlǝngkɛl jengɔ jǝ́ kwɛl jǝ́ nya nyaɨ, bwɨ bwɨ nyɔ.

Matta 21:22

Na jǝ́ nǝ bɨlǝngkɛlɨ, jʊ nɨ gwam jǝ́ kela Kwaama a mʊgɔ keli, jǝ́ nya nya.”

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Yohana 14:13

Gwam jʊ nɨ jǝ́ kel a mʊgɔ dun mɨɨ, mǝ maa maa, sǝ Tɛ bwɛ a nya dʊʊlǝn a dul Bʊla gɨɨ.

1 Yohana 3:22

Bǝ nya nya jʊ gwam bǝ kela a daa gǝ woi, jʊ a bwɨɨ, bǝ bwangtǝn diil gǝnɔ lɛ, bǝ maa jʊ lɛ gǝ swɨ lɛɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Ibranii 11:6

Na ke bɔ gola nǝtǝm bɨlǝngkɛlɨ, mɨsɔ nǝfili fulo Kwaama gǝm nǝl lɛ. Jʊ a bwɨɨ nʊ nɨ swɨ lɛ a bɛ nǝn dɔɔm a daagɔ Kwaama woi, bɛ ga nǝ bɨlǝngkɛl gɔ Kwaama wo, bɛ ga nǝ bɨlǝngkɛl gɔ Kwaama tal tal bwili a nǝb nɨ saa gǝn nɛɨ.

Yakubu 5:15

Keli nɨ ja maa a mʊgɔ nǝtǝm bɨlǝngkɛlɨ, gǝ gung gung nǝ bɔɔla. Tɛlalɔ gung gǝn gung. Na ga maa bwɨlangkɛlɨ, Tɛlalɔ kǝlǝm gǝm kǝlǝm.

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Matta 6:29

Mǝ sʊwa jen nɛ, Sulemanu a mʊgɔ bʊmǝn dʊʊl gǝnɔ gǝm a la ji bɔ bʊmǝn.

2 Korinti 6:2

Jʊ a bwɨɨ Kwaama a sʊwa gɔ, “N nyʊwa ń nǝn kwama nɨ mǝ swɨɨ. N tɨka ń nǝn kɔkɔ bʊʊtǝm.” N wɔ kǝngkɔ nǝn gɔ kwamagɔ mǝ swɨɨ! Dwiyen nǝn gɔ kɔkɔ bʊʊtǝmɨ!

Markus 13:37

Jʊ nɨ mǝ sʊwa lɛɨ, mǝ sʊwa jen gwam, ‘Bɛ jǝ́ yɨɨ nǝn fɛkalɨ!’ ”

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Matta 21:31

“A mʊgɔ ji nɨ yoi, n nʊ won a maa jʊ tɛtɛ ji swɨ lɛɨ?” Nǝngɔ ja sʊwa gɔ, “N bwɛ tɨkǝgagɔ.” Nǝngɔ Yesu a sʊwa ji gɔ, “N bɨlǝngǝn mǝ sʊwa jen nɛɨ, nǝb yotǝm kemʌn tǝmɔ jǝbɔ nɔɔtǝm bulonɔ jǝ dɔ dɔ fɔlɔn lɔ Kwaamaɨ ja laa jen.

Dʊgam Nyangnyang 2:24

“A dul tangǝn jeni, jen nɨ a Tayatiraɨ, mɨ jǝ́ bwangtǝn mɛlalɨ Yezebeli lɛɨ. Jǝ́ maa bɔ mɛlalɨ nǝn jʊ kaamɨ a jo gɔ kanjǝl nɨ a bwa bwaɨ a Mammɨ. Mǝ sʊwa jen nɛ, mɨsɔ mǝ ya jem kaa jǝ tuulo lɛ a dul jen.

Luka 11:10

Na nʊ nɨ a kelaɨ, jǝ nǝ gǝn nǝ. Nʊ nɨ a saaɨ, nya nya. Nʊ nɨ a yal jǝlɨ, jǝ wum gǝm wum nyanga kanɔ.