Luka 11:41 - Dadiya NT

⁴¹ Jǝ́ nǝ nǝb bʊnǝnɔ jʊ nɨ a kang jeni, sǝ kanjǝl jenɔ a yǝlam sagsag.

Luka 11:41 Referans Kwoze

Luka 12:33

Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Yakubu 1:27

Jǝfʊlǝn nɨ Kwaama Tɛtɛ a jǝla nǝn sagsag n bɨlǝngkɛlɨ nǝn gɔ, bɛ jǝ́ dʌng nɔɔtǝmkʊlabɔ, jǝbɔ bɛtɔ kwɛlǝnɔ a mʊgɔ gaalan jinɔ gǝm. Bɛ jǝ́ ta dul jenɔ ka jǝ́ maa lɛ jǝ bwɨlan a yooli nɨ.

Titus 1:15

Nǝb nǝl sagsagɔ, kanjǝlɔ gwam sagsag a daa ji woi. Nǝb nɨ mɨ nǝn nǝl sagsagɨ, ja nǝ bɔ bɨlǝngkɛlɨ, mɨ kaa jǝl wo sagsag a daa ji woi. Nǝl jinɔ jǝbɔ bʊʊlalɨ jinɔ gwam mɨ sagsag.

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

Maajɨ Bɛtɔ Twamagɨɨ 10:15

Nǝngɔ a nyʊwa diil na yogɔ sʊwa lɛ gɔ, “Jʊ nɨ Kwaama a fɛka sagsagɨɨ, ka ń jo gǝn nɛ mɔʊ mɨ sagsag.”

Luka 16:9

Mǝ sʊwa jen nɛ, bɛ jǝ́ maa maajɨ nǝn shilo yooli nɨ sǝ jǝ́ nya fatǝm nǝn, sǝ na kanjǝl jenɔ a dɨɨ, jǝ yo jen yo a daa yɨm nɨ mɨ dɨtǝm woi.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

2 Korinti 8:12

Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.

Luka 19:8

Nǝngɔ Zakka a gun a sʊwa Tɛlalɔ gɔ, “Tɛlalɔ, dʌng shilo mɨ, mǝ bel jʊ mǝ nǝnɨ lɔngɔ yo, sǝ n nǝ nǝbɔ mɨ nǝnɨ lɔngɔ win. Na n ja mɨbam kaa nǝlɨ wo a dul kaa jǝlɨ, mǝ ywa gǝn ywa tʌgo naagɔ naal a dul jʊ mǝ yoi.”

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

Matta 5:42

Na nǝl a bʌ ń jǝlɨ, nǝ gǝn jʊgɔ. Na nʊ nɨ swɨ jǝl lɛ a daa mɔ woi, ka ń dang gǝn nɛ nǝn.

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

Maajɨ Bɛtɔ Twamagɨɨ 11:29

Nǝngɔ bɛtɔ mɛlalɨgɔ a nǝbka nyiyo a kʊm jin gɔ jǝ twam twam nǝbam jinɔ nɨ a mʊgɔ Yahudiyaɨ gǝm tɨkalɨ a kwaan nyatǝm jinɔ gǝm.

Matta 26:11

Nǝb bʊnǝnɔ jǝ na jǝbɔ jen kwangkwang. N ke bɔ kwangkwang mǝ dakini nǝbɔ jeni.

Maajɨ Bɛtɔ Twamagɨɨ 24:17

“Mǝ maa joltɨnɔ a gǝlalaɨ, nǝngɔ mǝ yǝla mǝ bɛ a Urushalima sǝ ba n maa tɨkalɨ nǝn kemʌn a daa nǝbam nǝnɔ nɨ nǝn komtǝmɨ, sǝ n tǝla Kwaama gǝm twama.

Markus 7:19

A dɔ bɔ a mʊgɔ nǝl, a dɔ mʊgɔ fʌl, jel nyɔ tag a bʊtɔ jen a daa tɛltǝm fʌl.” (A dul kɛl nɨɨ, Yesu a jǝla nǝn jǝjalǝnɔ gwam.)