Luka 10:2 - Dadiya NT

² Nǝngɔ a sʊwa ji gɔ, “Kʌsotǝmɔ a lada, nǝb maajɨgɔ nǝn dǝm nyɔ. Jǝ́ kela Tɛlalɔ tɔtwamɔ sǝ a twam nǝb kʌsotǝmɔ a tɔtwam.

Luka 10:2 Referans Kwoze

1 Tasalonikaɨ 5:12

Kambɔ, nǝn kela jen nɛ, nǝb nɨ gʌ lɛ nǝn maajɨ a kʊm jeni, nǝb kotere dʊʊn jenɔ a mʊgɔ Tɛlalɔɨ gʊ jem lɔl lɛɨ, jǝ́ nǝ ji dʊʊn.

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.

2 Timoti 4:5

Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.

2 Tasalonikaɨ 3:1

A dɨltǝmɔ gǝmɨ kambɔ, jǝ́ maa nǝm keli, sǝ kɛl Tɛlalɔɨ a kwɨya dǝbǝr dǝbǝr, a nya nǝtǝm dʊʊn, kanga nɨ a nya a daa jen woi.

Markus 13:34

Gǝ na na nʊ nɨ a jel shu lɛ a yɔmɨ. Shu lɛɨ, a bǝla dʌngtǝm lɔ gǝnɔ a kang bɛtɔ jwaalɛn gǝnɨ, gwam jinɔ ji nǝn jǝ maatǝm. A sʊwa nǝ dʌngtǝm nyanga lɔngɔ gɔ a yɨ nǝn fɛkalɨ.

1 Timoti 4:10

N dul kɛl nɨ bǝ dɔta lɛɨ, jʊ a bwɨɨ bǝ ya nǝl bǝnɔ a daagɔ Kwaama nɨ nǝn Kʊlɨɨ, wʊnɨ nǝn gɔ Nǝbʊʊlɨ nǝbɔ a yoolii gwamɨ, a ga keli a nǝb nɨ a nǝ bɨlǝngkɛlɨ.

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Maajɨ Bɛtɔ Twamagɨɨ 13:4

Barnaba jǝbɔ Shawulu nǝb nɨ Yʊwa Kwaamaɨ a twam jii, ja shu a tuulɔ Salukiya. A fʌlen, nǝngɔ ja dɔ tɨyamwɛngɔ ja gǝla a tǝm Sayifurus nɨ a tɨbǝl wɨmaɨ.

Maajɨ Bɛtɔ Twamagɨɨ 13:2

Nǝn kwama jǝ bǝlá Tɛlalɔ lɛɨ, jǝ maa dotǝm diil mwɛmɔ lɛɨ, nǝngɔ Yʊwa Kwaamaɨ a sʊwa ji gɔ, “Jǝ́ jǝgǝm mɨ Barnaba jǝbɔ Shawulu a dul maajɨ nɨ mǝ jo ji mǝʊ ja maaɨ.”

Maajɨ Bɛtɔ Twamagɨɨ 11:19

Nǝb bwangtǝmɔ a kwɨya tǝmɔ nǝn kwan a dul gaalan nɨ a gun a dul jʌtǝm Istifanusi. Kaamɨ a shu a tǝm Finikiya, jǝbɔ Sayifurus tǝmɔ a tɨbǝl wɨmaɨ, jǝbɔ tuulɔ Antakiya. Jǝ sʊwa kɛl Kwaamaɨ lɛ, jǝ sʊwam ka Yahudawa kwaaji.

Maajɨ Bɛtɔ Twamagɨɨ 8:4

Nǝb nɨ a mwal a bǝla Urushalimagɨɨ, jǝ kɛla lɛ, jǝ sʊwa fulon kɛl lǝmɨgɔ lɛ.

Luka 9:1

Nǝngɔ a jo kʊb jeli yo nɨɨ, a nǝ ji kwaan jǝbɔ fɔlɔn jǝgtǝm nǝblaamɨ, jǝbɔ gungtǝm nǝb nɨ mɨ kwamɨgǝnɨ.

Markus 16:20

Bɛtɔ mɛlalɨ gǝnɔ ja jel ja shu, jǝ kiyo fulon kɛl lǝmɨ gǝnɔ lɛ a daatɨnɔ gǝm gwam. Tɛlalɔ maa maajɨ lɛ jǝbɔ ji, nʊng bɨlǝngkɛl jinɔ lɛ a kanjǝl jǝ laatǝm kang nɨ sǝ a nʊng jʊ ja sʊwaɨ, n bɨlǝngkɛl.

Matta 20:1

“Fɔlɔn lɔ Kwaamaɨ gǝ na na kaa tɛlalɔ nɨ a jel nǝn kumsʌl butʌb sǝ ya saa nǝb nɨ ya maa gǝm maajɨ lɛ a mʊgɔ tɔtwam fogfogi gǝnɨ.

Filibii 2:25

N kuwo a bʊm nyɔ n yǝla n twam jem Abafaroditas, kɨla mɨ, fwalɨ maajɨ mǝndɨ, fwalɨ gʌtǝm mǝndɨ, wʊnɨ jǝ́ twam gǝn sǝ a tɨka ɨɨ.

Filibii 2:21

Tangǝn jinɔ n maajɨ jin ja ya a kǝga jin jǝ maa lɛɨ. N ke bɔ maajɨ Yesu Kiristii.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

Kolosii 1:29

N jʊ a bwɨ mǝ maa maajɨ lɛ nǝn kwaan, mǝ dɔta lɛ nyangǝn nǝn gʌleng kwaan nɨ ga nɨ ɨɨ.

Filibii 2:30

jʊ a bwɨɨ ya bʊla lɛ a maajɨ Kiristii, miyo kʊlɨ gǝnɔ lɛ sǝ a tɨka ɨ maajɨ nɨ jǝ́ dwal bɔ jǝ́ maaɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

Filimon 1:1

Nǝmǝ mǝ Bulus bwɛ lɔsomii, a kɛl dul Yesu Kiristii, jǝbɔ Timoti kɨla bǝn. Nǝn mʊla Filimon gǝm langǝn bwangǝn nɨ lɛɨ, fwalɨ nyan bǝnɔ jǝbɔ fwalɨ maajɨ bǝnɔ.

Dʊgam Nyangnyang 2:1

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ a Afisaɨ gǝm nyɔ, “Kɛl nɨ nǝn gɔ n twama nʊ nɨ a ta nyanyamɨtɨn nɨ nʌbʌl a kang jajǝng gǝnɨ, wʊnɨ yɔ yɔm lɛ tag a tɨbǝl daatɨn swatǝm fitila nɨ nʌbʌl na mʊnɨ.