Luka 1:35 - Dadiya NT

³⁵ Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

Luka 1:35 Referans Kwoze

Matta 1:18

Bʌtʌm Yesu Kiristii a na nyɔ: Nyɨya gǝ Maryamu nǝn gɔ na bwa naakan nɛ jǝbɔ Yusufu bwayǝlɨ gǝnɨ. A la bɔ kum bwatǝm naakan jinɔ, Yʊwa Kwaamaɨ a dǝg gǝn a do fʌl.

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Matta 1:20

Nǝn kwama maam bʊʊlalɨ jʊ nɨ lɛ a nǝl gǝnɨ, nǝngɔ bwɛ twama Tɛlalɔɨ a bɛ a daa gǝ woi a mʊgɔ dʊgamɨ. Nǝngɔ a sʊwa gǝn gɔ, “Yusufu bʊla Daudaɨ, ka ń nyʊwa lɛ taal naatǝm nwala mɔ Maryamui, jʊ a bwɨɨ, fʌl nɨ gǝ nǝngǝnɨ, a bɛ a daagɔ Yʊwa Kwaamaɨ woi.

Markus 1:24

sʊwa lɛ gɔ, “Yesu, bwɛ Nazarat, n wɛ a dǝg ń wo jǝbɔ nǝnɨ? Mʊ bɛ sǝ ba ń jʌbo nǝn ka? N nyǝm mʊ nǝn nuwo! Mʊ nǝ Sagsag Kwaamaɨ.”

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Ibranii 4:15

Dalɨ nǝkǝla nɨ bǝ nǝngǝnɨ, n ke bɔ nʊ nɨ mɨ ji bʊnǝn bǝnɔ lɛ a gɨyatǝm bǝnɔ gǝmɨ. Mɨ nyɔ. N nʊ ja tɛl gǝn a golantɨnɔ gǝm gwam kanga jǝ tɛl bǝn nɛɨ, a gǝnɔ a maa bɔ bwɨlangkɛl.

Luka 1:27

a daa kaa bwɛnɔɔlɨ woi, wʊnɨ a swa yaa jǝbɔ kaa nǝlɨ, dunɔ nǝn Yusufu. A jel a dʊʊm Daudaɨ. Dun bwɛnɔɔlɨ gɨɨ nǝn Maryamu.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Maajɨ Bɛtɔ Twamagɨɨ 8:36

Ji a mʊgɔ yɔmɨ, nǝngɔ ya ja la kaa daa mwɛɨ. Nǝngɔ nʊ nɨ ja sʊ sʊɨ gɔ, “Dʌng mwɛmɔ wɔ. N wɛ a bwɨ mɨsɔ mʊ yʊ ɨ mwɛ sagsagɔ lɛɨ?” [

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Markus 1:1

Wʊnɨ nǝn gɔ tǝltǝm fulon kɛl lǝmɨgɔ a dul Yesu Kiristii, Bʊla Kwaamaɨ.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

Matta 14:33

Nǝbɔ a mʊgɔ tɨyamwɛngɨɨ a jʊng a nǝ Yesu dʊʊn, jǝ sʊwa lɛ gɔ, “Bɨlǝngǝn, mʊ nǝn Bʊla Kwaamaɨ.”

Matta 4:3

Nǝngɔ Mammɔ ba sʊwa gǝn gɔ, “Na mʊ nǝn Bʊla Kwaamaɨ, sʊwa tatǝn nɨ a yǝlam kʊkkʊm.”

Luka 1:34

Maryamu a bʌ bwɛ twama Kwaamaɨ gɔ, “Jʊ nɨ bwɨ nyǝn? Mǝ lǝga bɔ n nyǝm balɨ.”

Luka 1:36

Alisabatu nanǝga mʊnɔ wʊnɨ ja sʊwa gɔ n jolʌmi kǝngkǝnɨ nǝngǝn nǝn fʌl bwaala nukun a gʌlotǝm gǝnɔ gǝm.