Kolosii 4:10 - Dadiya NT

¹⁰ Aristarkus, wʊnɨ a lɔsomi jǝbɔ mǝɨ, yal jen nɛ. Markus tǝgǝn yal jen nɛ, wʊnɨ tʊga ji win jǝbɔ Barnabaɨ, wʊnɨ mǝ kwɛl mǝ sʊwa kɛl a dul gǝnɨ. Na a bɛ a daa jen woi, bɛ jǝ́ yo gǝn kangɔ yo.

Kolosii 4:10 Referans Kwoze

Filimon 1:24

A na nyɔ tag, Markus, jǝbɔ Aristarkus, jǝbɔ Dimas jǝbɔ Luka fatǝm maajɨ mǝndɨɨ, jǝ yal ń nɛ.

2 Timoti 4:11

Nǝn Luka kwaagɔ win jǝbɔ mǝɨ. Bɛ ń do Markus jǝ́ bɛ dakini, jʊ a bwɨɨ tɨka ɨ tɨka ɨ a mʊgɔ maajɨ mǝndɨ gǝm.

Maajɨ Bɛtɔ Twamagɨɨ 19:29

Nǝngɔ tuulɔngɔ a komaɨ. Nǝngɔ nǝbɔ a gun nǝn sʊgɔl, ja shu a daa mʊrkalɨɨ, jǝ gʊ Gayus lɛ jǝbɔ Aristarkus, nǝbɔ Makidoniyaɨ, fatǝm yɔm Bulusi.

Maajɨ Bɛtɔ Twamagɨɨ 27:2

Nǝn dɔ kaa tɨyamwɛng a Adaramitiya, wʊnɨ a fɛka guntǝm sǝ a shu a kaam tuulɔtɨn nɨ a kʌng wɨma Asiyaɨ. Nǝn tǝl yɔmɔ nǝbɔ Aristarkus, kaa bwɛ Tasalonika a tǝm Makidoniya.

Maajɨ Bɛtɔ Twamagɨɨ 20:4

Sabataras bwɛ Biriyaɨ, bʊla Burusi, jǝbɔ Aristarkus jǝbɔ Sakundus nǝbɔ Tasalonikaɨ, jǝbɔ Gayus bwɛ Darbaɨ, jǝbɔ Timoti, jǝbɔ Tikikus jǝbɔ Tarofimas nǝbɔ Asiyaɨ, ya ja ywa gǝnɨ.

Maajɨ Bɛtɔ Twamagɨɨ 12:12

Bitrus a nyǝm nyɨɨ, nǝngɔ a shu a lɔ Maryamui nɛnɛ Yohanaɨ wʊnɨ jǝ jo gǝn nɛ gɔ Markusi, a daa gɔ, nǝbɔ a mʊrka wo a lada nyɔ maa keli lɛ.

1 Bitrus 5:13

Kɛtǝlam jenɔ, nǝb bwangtǝm nɨ a Babilaɨ, wʊnɨ ja jǝg jen dakinii, twam jem yaltǝm lɛ jǝbɔ bʊla mɨ Markus.

Roma 16:7

Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 16:2

Jǝ́ yo gǝn kangɔ yo yo a mʊgɔ dun Tɛlalɔɨ, kanga a daa tʌgo a nǝb nɨ sagsagɨ. Jǝ́ nǝ gǝn tɨkalɨ nɨ swɨ lɛ a daa jen woi. Jǝ́ maa nyɔ jʊ a bwɨɨ gǝ nǝn dul gǝn a tɨka nǝbɔ a lada, jǝbɔ mǝ tǝmɨ a kʊm jin.

Maajɨ Bɛtɔ Twamagɨɨ 13:13

Nǝngɔ Bulus jǝbɔ fatǝm yɔm gǝnɔ ja gun a Bafusa a tɨyamwɛngɨɨ, ja la Paga nɨ a tǝm Bamfiliyaɨ. Yohana nɨ jǝ jo lɛ gɔ Markusi, a bǝla ji, a yǝla a Urushalima.

Maajɨ Bɛtɔ Twamagɨɨ 4:36

Kaa nǝl dun gǝnɔ nǝn Yusufu. N bwɛ Lawi, a Sayifurus, wʊnɨ bɛtɔ twamagɔ jo gǝn nɛ gɔ Barnabaɨ (wʊnɨ nʊng lɛ gɔ n nǝ kʊʊtǝm nǝlɨ). Barnaba a maa nyɔ.

Maajɨ Bɛtɔ Twamagɨɨ 13:5

Ja la tuulɔ Salamisi, nǝngɔ ja sʊwa kɛl Kwaamaɨ a kantɨn mɛlalɨ Yahudawagɨɨ. Yohana a yɔ jǝbɔ ji, tɨka ji lɛ.

Maajɨ Bɛtɔ Twamagɨɨ 12:25

Nǝn kwama Barnaba jǝbɔ Shawulu ja dɨm maajɨ nɨ ja nǝ jii, nǝngɔ ja yǝla ja bɛ a Urushalimaɨ. Ja bɛ dakini jǝbɔ Yohana wʊnɨ jǝ jo gǝn nɛ gɔ Markusi.

Filimon 1:23

Abafaras, fwalɨ yɨm lɔsomi mǝndɨ a kɛl dul Kiristi Yesui, yal ń nɛ.