Kolosii 3:9 - Dadiya NT

⁹ Bɛ ka jǝ́ maaka lɛ gabakɛl, jʊ a bwɨɨ jǝ́ kwɛl jǝ́ bǝla yɨm galɨgɔ jǝbɔ maajɨtɨn gǝnɔ.

Kolosii 3:9 Referans Kwoze

Afisa 4:25

A dul kɛl nɨ, bɛ jǝ́ bǝla gabakɛlɔ wo. Bɛ ya jǝ́ sʊwa fatǝm yɨm jenɔ bɨlǝngkɛl lɛ, jʊ a bwɨɨ bǝ jinʌn bʊtɔgɔ win.

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.

Dʊgam Nyangnyang 21:27

Mɨ nyǝmatǝm wo, mɨ kaa jʊ nɨ wo mɨ sagsag dɔ mʊgɔ gǝn nɛɨ. Nʊ nɨ maa jʊ nɨ lɛ a bʊm bɔ kuwotǝmɨ, jǝbɔ nʊ nɨ maa gabakɛl lɛɨ mɨsɔ dɔ lɛ, na ke bɔ nǝbɔ ja mʊla duntɨn jinɔ a langǝn bwangǝn kʊlɨ a Bɛ Gal nɨ kwaagɨɨ.

1 Timoti 1:10

Ja maa diilɔ a dul nǝb kalalɨ, jǝbɔ batǝm nɨ daa lɛ nǝn kaam batǝmɨ, jǝbɔ nɔɔtǝm nɨ daa lɛ nǝn kaam nɔɔtǝmɨ, jǝbɔ nǝb nɨ kuu nǝb lɛɨ, jǝbɔ nǝb gabakɛl, jǝbɔ nǝb nǝtǝm nyiyo gabakɛl, jǝbɔ kanjǝl nɨ a yɔ bɔ dǝngdǝng jǝbɔ mɛlalɨ nyan nɨɨ.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Kolosii 3:8

Kǝngkɔ bɛ jǝ́ bǝla jʊtǝb nɨ wo, nabwɨl, jǝbɔ bʊwaka nǝl, jǝbɔ kɔkan, jǝbɔ kalkatǝm dun, jǝbɔ sʊwalatǝm kanjǝl bwɨla.