Kolosii 3:8 - Dadiya NT

⁸ Kǝngkɔ bɛ jǝ́ bǝla jʊtǝb nɨ wo, nabwɨl, jǝbɔ bʊwaka nǝl, jǝbɔ kɔkan, jǝbɔ kalkatǝm dun, jǝbɔ sʊwalatǝm kanjǝl bwɨla.

Kolosii 3:8 Referans Kwoze

Afisa 4:29

Ka kaa kɛl bwɨlan ya jel lɛ a nyiyo jen, na ke bɔ kɛl nyan nɨ kwam jim nǝl lɛ a jʊ nɨ bʊm jim lɛɨ, sǝ a bɛ nǝn lǝma a nǝb nɨ a nyʊwa gǝnɨ.

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

Afisa 5:4

A na nyɔ tag a kɛl bulon, jǝbɔ sʊwalatǝm kɛl nǝn kwan, jǝbɔ kabatǝm jongʌn wʊnɨ mɨ nǝn kaa tɨkalɨɨ. Jʊ a laa jǝlɨ, bɛ ya jǝ́ buu Kwaama gǝm kang lɛ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Afisa 4:26

A mʊgɔ nabwɨl jen, ka jǝ́ maa lɛ bwɨlangkɛl. Ka maatǝm nabwɨl jenɔ ya lɛ kwama lɛ.

Ibranii 12:1

Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.

Kolosii 3:9

Bɛ ka jǝ́ maaka lɛ gabakɛl, jʊ a bwɨɨ jǝ́ kwɛl jǝ́ bǝla yɨm galɨgɔ jǝbɔ maajɨtɨn gǝnɔ.

1 Bitrus 2:1

A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

1 Korinti 3:3

A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Galatiya 5:15

Na jǝ́ wobka nam bʊtɔtɨn jenɔ lɛɨ, jǝ́ fɛ jǝ́ maa bʊʊlalɨ, kage a yǝlam gola kalkatǝm a kʊm jen.

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Yahuza 1:8

Gǝ na nyɔ tag, nǝb nɨ a sʊlam a dɔ kʊm jeni, ja kalǝm bʊtɔ jinɔ nǝn dʊgam jinɔ. Ja kɔ bwangtǝm fɔlɔnɔ. Ja kal dun bɛtɔ twama Kwaamaɨ.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

Yakubu 2:7

Ke bɔ ji tag jǝ sʊwa kɛl sogan nɛ a dul dun nyan gǝnɔ ja nyǝm jen nǝnɨ ka?

1 Timoti 1:20

A kʊm jin, Himinayas wo jǝbɔ Iskandari, nǝb nɨ mǝ nǝ mammɔ, sǝ a mwɛ jii, sǝ ja bǝla kaltǝm dun Kwaamaɨ.

1 Timoti 1:13

Galɨgǝn mǝ kal dun Kwaamaɨ lɛ, mǝ nǝ nǝbam gǝnɔ gaalan nɛ, mǝ nyʊwa jim lɛ sul, a ji bʊnǝn mǝndɨ, jʊ a bwɨɨ mǝ maa a mʊgɔ fʌmʌn, mǝ nǝ bɔ bɨlǝngkɛl.

Galatiya 5:26

Ka bǝ yǝlam lɛ nǝb dʊʊlǝn dul. Ka bǝ tǝlka lɛ kutʌm. Ka bǝ maaka lɛ nungon.

Galatiya 5:20

jǝbɔ bwangtǝm shom, jǝbɔ wontǝm swan, jǝbɔ kii, jǝbɔ gʊbkan, jǝbɔ nungon, jǝbɔ nabwɨl, jǝbɔ swɨtǝm dul, jǝbɔ kʊkkan, jǝbɔ wʊlakatǝm,

Markus 7:22

jǝbɔ wɛl, jǝbɔ shil, jǝbɔ swagkatǝm, jǝbɔ katǝm dagdag, jǝbɔ kulkotǝm, jǝbɔ kalkatǝm dun, jǝbɔ dʊʊlǝn dul, jǝbɔ fʌmʌn.

Dʊgam Nyangnyang 16:9

Nǝngɔ shilotǝm bwɨlagɔ a twɨ nǝbɨɨ. A dǝg ji ja kal dun Kwaamaɨ sul, ja yǝla bɔ ja bǝla bwɨlangkɛltɨn jinɔ, ja nǝ gǝn bɔ dʊʊn, gǝ nɨ nǝngǝn nǝn fɔlɔn a dul gaalan bwɨlantɨn nɨɨ.

Yahuza 1:13

Ja maa na fʊnɨ mwɛ wɨma wʊnɨ mʊla lɛɨ, jǝ maa lɨyal lɛ nǝn gunidul jinɔ. Jǝ maamɔ nyanyamɨtɨn nɨ gǝ dǝngla tǝm lɛɨ, wʊnɨ ja fɛka gǝm daa kumtojili nɨ mɨ dɨtǝm woi.

2 Bitrus 2:7

A jǝg Lutu, nʊ nɨ n nǝ dǝngdǝngɨ, wʊnɨ a nya fitǝm nǝl dangǝn a dul yɨm nǝb kalalɨ nɨ mɨ sa taal Kwaamaɨ lɛɨ.

Afisa 4:25

A dul kɛl nɨ, bɛ jǝ́ bǝla gabakɛlɔ wo. Bɛ ya jǝ́ sʊwa fatǝm yɨm jenɔ bɨlǝngkɛl lɛ, jʊ a bwɨɨ bǝ jinʌn bʊtɔgɔ win.