Kolosii 3:24 - Dadiya NT

²⁴ Nǝn Tɛlalɔ Kiristi jǝ́ maa gǝm maajɨ lɛɨ! Jǝ́ nyǝm Tɛlalɔ nǝ jen nǝ kʊla maajɨ jenɔ jǝ́ maaɨ.

Kolosii 3:24 Referans Kwoze

Afisa 6:8

Jǝ́ nyǝm Tɛlalɔ nǝ nǝ bwili a nʊ nɨ pʌd a maa jǝ nyaɨ, na gǝ bwɛɨ, na gǝ bwɛ jwaalɛɨ.

Luka 14:14

Na ń maa nyɨɨ, mʊ nya nya bwili, jʊ a bwɨɨ nǝb nɨ mʊ joi mɨsɔ jǝ nya gola lɛ ja ywa ń naanɔ. Nǝn Kwaama ywa ń nɛ nǝn di guntǝm nǝb dǝngdǝngɔ a bwaagɔ gǝmɨ.”

Galatiya 1:10

Jǝ́ kuwo lɛ mǝ swɨ lɛ n fulo nǝbɔ gǝm nǝl ka? Ke bɔ a Kwaamaɨ ka? Jǝ́ nyǝma lɛ jengɔ mǝ maa sǝ n fulo nǝbɔ gǝm nǝl ka? Mɨ nyɔ. Na na mǝ fulo nǝbɔ gǝm nǝlɨ, na mǝ yǝlam bɔ bwɛ jwaalɛ Kiristii.

1 Korinti 7:22

Nʊ nɨ n bwɛ jwaalɛ kwama Tɛlalɔ a jo gǝnɨ, a nya jǝgtǝm dul a gola Tɛlalɔɨ. Nʊ nɨ nǝn yɨm dul kwama Tɛlalɔ a jo gǝnɨ, n bwɛ jwaalɛ Kiristii.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Ibranii 11:6

Na ke bɔ gola nǝtǝm bɨlǝngkɛlɨ, mɨsɔ nǝfili fulo Kwaama gǝm nǝl lɛ. Jʊ a bwɨɨ nʊ nɨ swɨ lɛ a bɛ nǝn dɔɔm a daagɔ Kwaama woi, bɛ ga nǝ bɨlǝngkɛl gɔ Kwaama wo, bɛ ga nǝ bɨlǝngkɛl gɔ Kwaama tal tal bwili a nǝb nɨ saa gǝn nɛɨ.

Ibranii 10:35

A dul kɛl nɨɨ, ka jǝ́ gɨya lɛ kʊtǝm nǝl jenɔ, jʊ a bwɨɨ nyatǝm lǝmagɔ wo a lada.

Afisa 6:6

Jǝ́ bwang jim na jǝ woi, na mɨ jǝ woi. Jǝ́ maa nyɔ ke bɔ sǝ ja wana jen kwaagɔ. Na jwaalɛb Kiristii, jǝ́ bwangtǝn jʊ Kwaama swɨ lɛ jǝ́ maaɨ nǝn nǝl jenɔ gwam.

Matta 5:46

Na jǝ́ swɨ nǝb nɨ swɨ jen nɛɨ, la jǝ́ nya lǝma Kwaamaɨ nyǝn? Nǝb yotǝm kemʌn tǝmɔ mɨ maa lɛ nyɔ ka?

Matta 5:12

Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

1 Korinti 3:8

Nǝ kwalagɔ jǝbɔ nǝ taltǝm mwɛmɔ jǝ win. Gwam jinɔ jǝ nya nya ywatǝm kemʌn maajɨ jinɔ dǝngdǝng a dul maajɨ jinɔ gǝm.

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Matta 6:16

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Matta 6:5

“Na jǝ́ maa keli lɛɨ, ka jǝ́ maa lɛ keli kanga nǝb fentogɔ gǝ maam lɛɨ, jʊ a bwɨɨ jǝ swɨ lɛ ja tɨ tɨɨ sǝ ja maa keli a mʊgɔ kan mɛlalɨ jǝbɔ daltɔ golantɨn, sǝ nǝbɔ a kuwo ji. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Roma 14:18

Pʌd nʊ nɨ maa Kiristi gǝm maajɨ lɛ a gola nɨɨ, n jǝ yotǝm a daagɔ Kwaama woi. N nǝ jǝlatǝm a daagɔ nǝbɔ woi tag.

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Matta 10:41

Nʊ nɨ a yo nǝkuwotǝmkǝga jʊ a bwɨɨ n nǝkuwotǝmkǝgaɨ, nya nya lǝma nǝkuwotǝmkǝgagɨɨ. Nʊ nɨ a yo nǝ dǝngdǝngɔ jʊ a bwɨɨ n nǝ dǝngdǝngɨ, nya nya lǝma nǝ dǝngdǝngɨ.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

1 Korinti 11:23

Jʊ nɨ mǝ yo a daagɔ Tɛlalɔ woi nǝn gɔ mǝ nǝ jeni, gɔ, Tɛlalɔ bǝn Yesu a kum nɨ ja lungtom gǝnɨ, a do kʊkkʊmɔ.

1 Bitrus 1:4

N jʊ a bwɨ bǝ nya kʊla nɨ mɨsɔ bʊla lɛ woi, mɨ kalatǝm woi, mɨsɔ dumo lɛ wo tagɨ, wʊnɨ ja ya jem a dʌbʌli,