Kolosii 3:22 - Dadiya NT

²² Jǝ́ jwaalɛbɔ, bɛ jǝ́ bwangtǝn tɛlalɔtɨn jenɔ a yooli nɨɨ a kanjǝlɔ gǝm gwam, ke bɔ maajɨ kuwotǝm nu, na nǝb nɨ swɨ fulotǝm nǝbɔ gǝm nǝl lɛɨ. Jǝ́ maa maajɨ nǝlɔ win, jǝ́ nyʊwa taal Tɛlalɔɨ lɛ.

Kolosii 3:22 Referans Kwoze

Galatiya 1:10

Jǝ́ kuwo lɛ mǝ swɨ lɛ n fulo nǝbɔ gǝm nǝl ka? Ke bɔ a Kwaamaɨ ka? Jǝ́ nyǝma lɛ jengɔ mǝ maa sǝ n fulo nǝbɔ gǝm nǝl ka? Mɨ nyɔ. Na na mǝ fulo nǝbɔ gǝm nǝlɨ, na mǝ yǝlam bɔ bwɛ jwaalɛ Kiristii.

1 Tasalonikaɨ 2:4

Kanga Kwaama a jǝla nǝn nǝnɨ, a nǝ nǝn tatǝm fulon kɛl lǝmɨgɨɨ, nǝn gɔ nǝn sʊwa lɛɨ, ke bɔ sǝ nǝn fulo nǝbɔ gǝm nǝl. Nǝn fulo Kwaama gǝm nǝl, wʊnɨ tɛl nǝl bǝnɔ lɛɨ.

Kolosii 3:20

Jǝ́ bɛtɔ dwalǝnɔ, bɛ jǝ́ nyʊwa tɛtǝlam jenɔ a golantɨnɔ gǝm gwam. N jʊ fulo Tɛlalɔ gǝm nǝl lɛɨ.

Luka 6:46

“N wɛ a bwɨ jǝ́ jo i lɛ gɔ ‘Tɛlalɔ, Tɛlalɔɨ,’ mɨ jǝ́ maa kanjǝlɔ lɛ mǝ sʊwa jen mǝʊ jǝ́ maaɨ?

Filimon 1:16

Kǝngkɔ n ke bɔ bwɛ jwaalɛ. A laa bwɛ jwaalɛ. N kɛ nǝ swɨtǝm a daa mɨ woi. A mʊnɔ a shu nyɔ a gola bʊtɔ jǝbɔ gola Tɛlalɔɨ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Luka 7:8

Mǝ tǝmɨ mǝ na a kang fɔlɔn kaa nǝlɨ. Mǝ nǝngǝn nǝn sʊwajaamtɨnɔ a mʊgɔ fɔlɔn mɨ. Mǝ sʊwa sʊwa kaa mǝʊ ‘Yɔ,’ a yɔ. Mǝ sʊwa sʊwa kaa mǝʊ, ‘Ba,’ a bɛ. Mǝ sʊwa sʊwa kaa bwɛ jwaalɛ mɨɨ mǝʊ, ‘Maa nyɔ,’ a maa.”

Matta 8:9

Mǝ tǝmɨ mǝ na a kang fɔlɔn kaa nǝlɨ, mǝ nǝngǝn nǝn sʊwajaamtɨnɔ a mʊgɔ fɔlɔn mɨ. Mǝ sʊwa sʊwa kaa mǝʊ, ‘Yɔ,’ a yɔ. Mǝ sʊwa sʊwa kaa mǝʊ, ‘Ba,’ a bɛ. Mǝ sʊwa sʊwa kaa bwɛ jwaalɛ mɨɨ mǝʊ, ‘Maa nyɔ,’ a maa.”

Matta 6:22

“Nyalǝm bʊtɔgɔ, n nu. Na nu jenɔ ja lɛɨ, nyalǝmɔ yii yii bʊtɔ jenɔ gwam.