Kolosii 3:19 - Dadiya NT

¹⁹ Jǝ́ batǝmɔ, jǝ́ swɨ nɔɔtǝlam jenɔ. Ka jǝ́ nʊng ji lɛ bwɨlang nǝlǝn.

Kolosii 3:19 Referans Kwoze

1 Bitrus 3:7

Jǝ́ batǝmɔ tʌjen, jǝ́ yɨ yɨm nyan jǝbɔ nɔɔtǝlam jenɔ, jǝ́ nǝ ji dʊʊn, jʊ a bwɨɨ, jǝ fatǝm nɨ mɨ nǝn kwaanɨ. Jen jǝbɔ nɔɔtǝlam jenɔ jǝ́ yo lǝma Kwaamaɨ nɨ n kʊlɨɨ, jǝ́ maa nyɔ ka kaa jǝl a kal keli jenɔ.

Kolosii 3:21

Jǝ́ tɛbɔ, ka jǝ́ maa lɛ bɛtɨ gǝm mwɛl bwɨlan, kage a kǝlam jim bʊtɔ.

Afisa 5:25

Jǝ́ batǝmɔ, jǝ́ swɨ nɔɔtǝlam jenɔ kanga Kiristi a swɨ mʊrkalɨ nǝb bwangtǝm Kwaamaɨ, a nǝ dul gǝnɔ a kɛl dul gǝnɨ.

Afisa 4:31

Bɛ jǝ́ wʊlaka jǝbɔ kanjǝl nɨ gwam, nǝl kɔkan, jǝbɔ gungtǝm nǝl, jǝbɔ nabwɨl, jǝbɔ kɨlan, jǝbɔ kalkatǝm dun, jǝbɔ maatǝm shil nǝn dʌmʌn.

Afisa 5:33

Bɛ balɨ a swɨ nwala gɔ kanga ga swɨm dul gǝnɨ. Bɛ nɔɔlɨ a nǝ bwɨla gɔ shigtǝm dul.

Yakubu 3:14

A mʊgɔ nǝl jen, na jǝ́ maa nungon nɛ jǝbɔ swɨtǝm duli, ka jǝ́ maa lɛ lɨyal jengɔ jǝ́ nǝn yʊlan, ka jǝ́ bǝm lɛ bɨlǝngkɛlɔ.

Luka 14:26

“Nʊ nɨ swɨ bwangtǝm mǝndɨ lɛɨ, bɛ ga swɨ ɨ a laa tɨya gɔ jǝbɔ nɛnɛ gɔ, jǝbɔ nwala gɔ, jǝbɔ bɛtɨ lɔ gɨɨ, jǝbɔ kɛtǝlam gǝnɔ batǝnɔ, jǝbɔ a nɔɔtǝnɔ, jǝbɔ kʊlɨ gǝnɔ. Na mɨ nyɨɨ, mɨsɔ dwal lɛ a yǝlam bwɛ mɛlalɨ mɨ.

Roma 3:14

“Nyiyo jinɔ na lagtǝm jǝbɔ tuwolatǝm nǝb.”