Kolosii 3:16 - Dadiya NT

¹⁶ Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

Kolosii 3:16 Referans Kwoze

Afisa 5:19

Bɛ jǝ́ ma nafɨ Zaburaɨ, jǝbɔ nafɨtɨn bǝlátǝm, jǝbɔ nafɨgɔ Yʊwagɔ a nǝ jeni. Bɛ jǝ́ ma nafɨ, jǝ́ bǝlá Tɛlalɔ nǝn nǝl jenɔ gwam.

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Roma 10:17

A dul kɛl nɨ, nǝtǝm bɨlǝngkɛlɔ a bɛ a nyʊwatǝm twama. Nyʊwatǝm twamagɔ a bɛ a kɛl kiyotǝm a dul Kiristii.

1 Yohana 2:24

Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.

Afisa 1:17

N tɨtǝn keltǝm Kwaama Tɛlalɔ bǝn Yesu Kiristii, Tɛtɛ Nǝ dʊʊlǝn, a nǝ jen Yʊwa nɨ nǝ yʊlan nɛ jǝbɔ nʊngtǝm a nyǝmtǝm Kwaamaɨ.

Yakubu 3:17

A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

2 Yohana 1:2

Nǝn swɨ jen nɛ a dul bɨlǝngkɛl nɨ yǝm a mʊgɔ nǝl bǝnɨ, bɨlǝngkɛl nɨ yɨ yɨ dakini jǝbɔ bǝn mɨ dɨtǝm wo.

2 Timoti 3:15

Bɛ ń bʊʊla nǝn kwama nɨ mɔ a lɔ bwɛsǝnɨ, ń nyǝm Langǝn bwangǝntɨn sagsagɔ, wʊnɨ a tɨka ń a mɛla mʊn gola nyatǝm bʊʊtǝm a gola nǝtǝm bɨlǝngkɛl a mʊgɔ Kiristi Yesui.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

1 Yohana 2:27

Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.

Kolosii 4:6

Kwangkwang, bɛ kɛl jenɔ a yǝlam kɛl lǝmɨ jǝbɔ gʊtǝm nǝl nǝbɨɨ, sǝ jǝ́ nyǝm kɛl nɨ a bʊm jǝ́ gar nǝbɔ gǝm lɛɨ.

Afisa 5:17

Bɛ ka jǝ́ yǝlam lɛ nǝb swɛlatǝm. Bɛ jǝ́ nyǝm jʊ Tɛlalɔ swɨ lɛɨ.

Yakubu 5:13

Na kaa nǝl wo a kʊm jen a mʊgɔ gaalanɨ, bɛ ga maa keli. Na kaa wo a mʊgɔ fulotǝm nǝlɨ, bɛ ga ma nafɨ bǝlátǝm.

Titus 3:6

Kwaama a tal bǝm Yʊwa gǝnɔ a lada nyɔ a gola Yesu Kiristii, Nǝbʊʊlɨ bǝnɔ.

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

Dʊgam Nyangnyang 15:3

Jǝ ma nafɨ nɨ lɛ Musa bwɛ jwaalɛ Kwaamaɨ a maɨ, jǝbɔ nafɨ Bɛ Galɔ, “Maajɨtɨn mʊnɔ na a dʊʊntɨn, n jǝ tatǝm kang a nyiyo, Tɛlalɔ Kwaama Nǝ kwaan! Golantɨn mʊnɔ na dǝngdǝng, n bɨlǝngkɛl tag, Fɔlɔ bǝlǝntǝmɔ gwam.

1 Yohana 2:14

Mǝ mʊla jem lɛ jǝ́ tɛbɔ, jʊ a bwɨɨ jǝ́ nyǝm gǝn wo nǝn tɨkǝga a fwaltǝm yooligɔ gǝm. Mǝ mʊla jem lɛ jǝ́ bayǝlǝmɔ, jʊ a bwɨɨ jen nǝn kwaan, kɛl Kwaamaɨ yǝm a mʊgɔ jen, jǝ́ ku jelʌn a dul nǝ bwɨla nɨ gǝm.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

2 Tasalonikaɨ 3:15

Bɛ ka jǝ́ do gǝn nɛ na fwalɨ kii. Bɛ jǝ́ gʊ gǝm lɔl, na kɨla jen.

1 Tasalonikaɨ 4:18

Gǝ na nyɔ, bɛ ya jǝ́ kʊʊka nǝl lɛ nǝn kɛl nɨɨ.

1 Korinti 14:15

Mǝ maa nyǝn? Mǝ maa keli nǝn dʊʊmɨ mɨ, mǝ maa nǝn bʊʊlalɨ mɨ tag. Mǝ ma nafɨ Kwaamaɨ nǝn dʊʊmɨ mɨ, mǝ ma nǝn bʊʊlalɨ mɨ tag.

Matta 26:30

Nǝn kwama ja mam nafɨgɨɨ, nǝngɔ ja jel ja shu a Yem Zaituni.

Roma 15:14

Kambɔ, n jǝla nǝn jen, mǝʊ jǝ́ nǝb nyan dangǝn, nǝb nyǝmtǝm nyangǝn, nǝb nɨ a la kanga mɛla kambɔ gǝm lɛɨ.

Luka 2:51

A bwanga jǝbɔ ji ja yǝla a Nazarat dakini. Yesu bwangtǝn kɛl jinɔ lɛ. Nɛnɛ gɔ a ya kanjǝl nɨ gwam a nǝl gǝn.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Dʊgam Nyangnyang 14:3

Jǝ ma kaa nafɨ fɨ lɛ a kǝga kotere fɔlɔnɔ gǝm jǝbɔ kǝga kanjǝl nɨ naal nǝn kʊlɨɨ, jǝbɔ kǝga daltɔ dʊʊm nɨ. Mɨ nǝn nʊ nɨ nyǝm mɛlatǝm nafɨ nɨ lɛɨ na ke bɔ nǝb nɨ fʊlkʊblǝnɔ fʊlkʊb jǝbɔ fʊltǝnaal jeli naalɨ (144,000), wʊnɨ ja ten ji a yooli nɨɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

1 Tasalonikaɨ 1:8

N daa jen woi kɛl Tɛlalɔɨ a tǝl kwɨyatǝmɨ, ke bɔ a tǝm Makidoniya jǝbɔ Akaya kwaaji, a daatɨnɔ gǝm gwam ja nyǝm nǝtǝm bɨlǝngkɛl jenɔ a daagɔ Kwaama woi. Mɨ nǝ nǝn jǝ sʊwatǝm wo a dul gǝn.