Kolosii 3:15 - Dadiya NT

¹⁵ Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.

Kolosii 3:15 Referans Kwoze

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

1 Tasalonikaɨ 5:18

A daa nɨ jǝ́ nya dul jenɔ woi, ya jǝ́ buu Kwaama gǝm kang lɛ, jʊ a bwɨɨ n jǝlatǝm Kwaamaɨ a bwɨ nyɔ a dul jen a mʊgɔ Kiristi Yesui.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Afisa 5:20

Kwangkwang bɛ ya jǝ́ buu Kwaama Tɛtɛ gǝm kang lɛ a dul kanjǝlɔ gǝm gwam, a mʊgɔ dun Tɛlalɔ bǝn Yesu Kiristii.

2 Korinti 9:11

Kwaama dǝg jem dǝg bwili a golantɨnɔ gǝm gwam, sǝ ya jǝ́ nǝ lɛ nǝn kwɨtǝm kang. Nǝtǝm nɨ jǝ́ maa lɛɨ, yǝlam gola buutǝm kang a daa Kwaama woi a gola nǝn.

Afisa 4:4

Bʊtɔgɔ win, Yʊwagɔ win, kanga a jo jen a dul yatǝm nǝl nɨ win kwama a jom jeni.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

1 Timoti 2:1

Jʊ a laa jǝlɨ, mǝ gʊ jem lɔl lɛ, bɛ ya jǝ́ maa nǝbɔ gǝm keli lɛ. Jǝ́ kela Kwaama sǝ a tɨka ji. Jǝ́ buu Kwaama gǝm kang lɛ a kɛl dul nǝbɨɨ gwam.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

Afisa 5:1

Bɛ jǝ́ mɛla yɨm Kwaamaɨ. Nǝjen jǝ́ bɛtɔ lɔ gɨɨ swɨ lɛ nyangǝnɨ.

2 Korinti 4:15

Jʊ nɨ gwam yǝlam jǝ tɨkalɨ jen, sǝ lǝma Kwaamaɨ a bɛ a nǝbɔ gǝm a lada. N gola nɨ bɛ lɛ nǝn buutǝm kang a lada a daagɔ Kwaama woi, sǝ Kwaama a nya dʊʊlǝn.

Dʊgam Nyangnyang 7:12

Jǝ sʊwa lɛ gɔ, “A daa nyɔ! Bǝlátǝmɔ jǝbɔ gungtǝmɔ jǝbɔ nyǝmtǝmɔ jǝbɔ buutǝm kangɔ jǝbɔ dʊʊlǝnɔ jǝbɔ fɔlɔnɔ jǝbɔ kwaanɔ bɛ a ta tʌgo gwanggwang a daa Kwaama bǝnɔ woi, mɨ dɨltǝm wo! A daa nyɔ!”

Afisa 4:16

N daa gǝ woi pʌd bʊtɔgɔ a mʊrkamɨ, kanga jinʌnɔ gǝ mʊrka bʊtɔ nǝlɨ lɛɨ. Na jinʌn bʊtɔgɔ gwam maa maajɨ jinɔ lɛɨ, bʊtɔgɔ pʌd dʊʊl lɛ, nya kwaan nɛ, swɨ tangǝn jinʌnɔ lɛ.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Ibranii 13:15

Bɛ ya bǝ maa bǝlátǝm Kwaamaɨ lɛ a gola Yesui, bǝlátǝm nɨ na tǝlatǝm twama ya bǝ maa lɛɨ, bǝ gung dun gǝnɔ lɛ.

1 Korinti 7:15

Na balɨ nɨ n ke bɔ nǝ bwangtǝmɨ swɨ lɛ a dem kang a nɔɔlɨ nǝ bwangtǝmɔ gǝmɨ, bɛ ga dem gǝm kang. Na nɔɔlɨ nɨ ke bɔ nǝ bwangtǝmɨ swɨ lɛ a wʊlaka jǝbɔ balɨ nǝ bwangtǝmɨ, bɛ ja wʊlaka. A dul kɛl nɨɨ, balɨ nǝ bwangtǝm jǝbɔ nɔɔlɨ nǝ bwangtǝm, mɨsɔ jǝ dǝg ji lɛ nǝn kwaan ja yɨ jǝbɔ nʊ nɨ ke bɔ nǝ bwangtǝmɨ, jʊ a bwɨɨ Kwaama a jo bǝn sǝ bǝ yɨ yɨm kwamɨgǝn.

Roma 1:21

Ja nyǝm Kwaama sul, mɨ jǝ dʊʊl gǝn nɛ gɔ n Kwaama, mɨ ji buu gǝm kang lɛ. Bʊʊlalɨ jinɔ gǝ na nǝn kwan, nǝl jinɔ a yǝlam kumtojili, mɨ nyǝmtǝm wo.

1 Korinti 10:17

Kʊkkʊmɔ wo win, bǝn nɨ bǝ lada nyɨɨ, bǝ bʊtɔgɔ win, jʊ a bwɨɨ gwam bǝnɔ n kʊkkʊm nɨ win bǝ ja lɛɨ.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.