Kolosii 3:14 - Dadiya NT

¹⁴ Jʊ a laa jʊtǝb nɨ gwamɨ, bɛ jǝ́ do nǝl swɨkan, wʊnɨ a mʊr jen gwam jǝ́ yǝlam wini.

Kolosii 3:14 Referans Kwoze

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

Yohana 13:34

“N diil fɨ mǝ nǝ jen nɛɨ, bɛ jǝ́ swɨka a kʊm jen, kanga mǝ swɨm jen nɛɨ, jen tʌjen bɛ jǝ́ swɨka nyɔ a kʊm jen.

Roma 13:8

Bɛ ka jǝ́ ta lɛ jʊ nɨ a yǝlam a mɨbam nǝlɨ, na ke bɔ a swɨkanɨ. Nʊ nɨ swɨ fwalɨ yɨm gǝnɔ lɛɨ, a yii diilɔ.

Afisa 4:3

Jǝ́ sʊtǝn kwaan kɨlatǝm yǝlamtǝmɔ wini, kanga Yʊwagɔ nʊng lɛɨ, a gola lǝma nɨ a mʊr jeni.

1 Yohana 4:21

Wʊnɨ nǝn gɔ diilɔ bǝ nya a daa gǝ woi gɔ, nʊ nɨ swɨ Kwaama lɛɨ, bɛ ga swɨ kɨla gɔ tag.

2 Bitrus 1:7

A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

1 Tasalonikaɨ 4:9

A kɛl dul swɨtǝm kambɨɨ, a yǝlam bɔ nyɔ nǝn mʊla jem mʊlaɨ, jʊ a bwɨɨ, jen nǝn kang jen Kwaama a mɛla jem gɔ bɛ jǝ́ swɨka.

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

Yohana 15:12

Diil mǝndɨ n wɔ, bɛ jǝ́ swɨka kanga mǝ swɨm jeni.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

Ibranii 6:1

A dul kɛl nɨ, bɛ bǝ sʊtǝn nyǝmtǝmɔ a shu kanjǝl nɨ ja mɛla bǝm nǝn tɨkǝga a dul Kiristii, a yɔ nǝn a dʊʊlǝn nyǝmtǝm. Ka bǝ yǝla lɛ bǝ swa fʌlʌm kanjǝl nɨ bǝ bǝla a guli. Jʊtǝb nɨ nǝn gɔ, n yǝlatǝm bǝlatǝm bwɨlangkɛl nɨ yɔ lɛ nǝn bǝn a bwaaɨ, jǝbɔ nǝtǝm bɨlǝngkɛl a daagɔ Kwaama woi,

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

1 Yohana 3:10

Jʊ jǝ nyǝm bɛtɔ lɔ Kwaamaɨ lɛ nǝnɨ jǝbɔ bɛtɔ lɔ mammɨ nǝn gɔ, nʊ nɨ a maa bɔ jǝ dǝngdǝngɨ, ke bɔ a Kwaamaɨ, gǝ na nyɔ a nʊ nɨ mɨ swɨ kɨla gǝ lɛɨ.