Kolosii 3:12 - Dadiya NT

¹² Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

Kolosii 3:12 Referans Kwoze

Afisa 4:32

Bɛ ya jǝ́ maaka jǝ nyan nɛ, jǝ́ jika bʊnǝn nɛ, jǝ́ kǝlǝmka lɛ kanga Kwaama kǝlǝm jem lɛ a gola Kiristii.

Afisa 4:2

Kwangkwang bɛ jǝ́ yɨ nǝn shigtǝm dul nyangǝn jǝbɔ yʌbtǝm dul, jǝbɔ kʊtǝm nǝl, jǝ́ bwabka nǝl lɛ a mʊgɔ swɨkan.

1 Yohana 4:19

Bǝ nʊng swɨtǝm, jʊ a bwɨɨ nǝn gɔ a tǝl swɨtǝm bǝnɨ.

Kolosii 3:10

Jǝ́ do nǝl fɨ, wʊnɨ ja fʌto a jelkalǝng Nǝ Fwaltǝmɨ, sǝ jǝ́ nyǝm gǝn dangǝn.

2 Bitrus 1:10

A dul kɛl nɨɨ kambɔ, jǝ́ fɛ jǝ́ sʊtǝn kwaan jǝ́ nʊng gɔ nǝn Kwaama a jo jeni, a jǝgam jeni. Na jǝ́ maa nyɨɨ, mɨsɔ jǝ́ yala lɛ wo.

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

2 Korinti 6:6

Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Luka 18:7

Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka?

Luka 1:78

Kwaama bǝnɔ a bʊʊ nǝn bǝn nyɔ a dul gʌleng bʊnatǝm gǝnɔ gǝm. A gola bʊnatǝm gǝnɔ, nyalǝmɔ won won a dʌbʌl a gǝla a dul bǝn,

Markus 13:27

Twam twam bɛtɔ twama Kwaamaɨ sǝ a mʊr nǝb nɨ ga jǝgam ji a twalɨ, jǝbɔ a diyengɔ, jǝbɔ a gǝlalangɔ, jǝbɔ a gwilʌngɔ. Jʊ a ta a daa tǝmɔ a dɨlǝmɨ a yɔ nǝn a daa dʌbʌl kwamagɔ ya dɨlǝmɨ.

Afisa 4:24

Bɛ jǝ́ do kanjǝl fɨ nɨ ja fwal jen nǝn na a Kwaamaɨ a mʊgɔ dǝngdǝng jǝbɔ sagsag.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

Filibii 1:8

Kwaama a nyǝm n swɨ jen na swɨtǝmɔ Kiristi Yesu maa jem lɛɨ.

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

Roma 9:11

Nǝn kwama a lǝga bɔ a bʌ bɛtɨ yo nɨɨ, nǝn kwama ja lǝga bɔ ja maa jʊ nɨ a bʊmɨ jǝbɔ jʊ nɨ a bʊm bɨɨ, Kwaama a sʊwa gǝn gɔ, “Bwɛ dʊʊnɔ nǝ nǝ bwɛ dwalɨgɔ dʊʊn.” Kwaama a sʊwa nyɔ sǝ a nʊng nʊ nɨ gǝ jǝgǝmɨ, a jǝg gǝn a gola jǝlatǝm gǝn, ke bɔ a dul makajǝng nyantɨn, n jotǝm gǝn.

Markus 13:22

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

Markus 13:20

Na na Tɛlalɔ a biyom bɔ kumtɨnɨ, na mɨ nǝfili nɨ wo bʊʊ lɛɨ. N bʊnatǝm nǝb nɨ ga jǝgǝmɨ nǝngɔ a biyom kumtɨnɨ.

Matta 24:22

Na ja mwatɨm bɔ kumtɨn nɨɨ, na mɨ nǝfili nɨ wo bʊʊ lɛɨ. Jʊ a bwɨ ja mwatɨm kumtɨn nɨɨ, n nǝb nɨ ja jǝgamɨ.

Dʊgam Nyangnyang 17:14

Jǝ ta ta kun jǝbɔ Bɛ Gal nɨ. Bɛ Gal nɨ ja ji ja, jʊ a bwɨɨ nǝn gɔ Tɛlalɔ tɛlalɔtɨnɨ, nǝn gɔ Fɔlɔ fɔlɔlɔmɨ. Gɔ jǝbɔ nǝb nɨ jǝ dakinii, nǝji jǝ nǝb jotǝmɔ, jǝbɔ nǝb jǝgamtǝmɔ, jǝbɔ nǝb tatǝm swatǝm yaagɨɨ.”

2 Yohana 1:13

Bɛtɔ lɔ kɨla mɔ a nɔɔlɨgɨɨ wʊnɨ Kwaama a jǝgǝmɨ, twam jem yaltǝm jinɔ lɛ.

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

1 Korinti 13:4

Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ.