Kolosii 2:8 - Dadiya NT

⁸ Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

Kolosii 2:8 Referans Kwoze

1 Timoti 6:20

Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

Matta 7:15

“Bɛ jǝ́ nyǝm nǝbkuwotǝmkǝga gabakɛlɔ. Wʊnɨ jǝ bɛ jem lɛ nǝn jelkalǝng kwamɨɨ, mʊgɔ nǝl jinɔ n bangashɨtɨn, wʊnɨ nyʊwa jʊwan bwɨla lɛɨ.

Galatiya 4:9

Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?

Kolosii 2:20

Na bwaa jenɔ jǝbɔ Kiristii a jǝg jen a jǝfʊlǝn yooli nɨɨ, n wɛ a bwɨ jǝ́ yɨ yɨm lɛ maamɔ jǝ́ na a yooli tagɨ? N wɛ a bwɨ jǝ́ bwangtǝn diiltɨn nɨ lɛ sʊwa lɛ gɔ,

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

2 Bitrus 3:17

Kɛtǝlam mɨ nɨ mǝ swɨ lɛɨ, kanga jǝ́ kwɛl jǝ́ nyǝm kanjǝl nɨ bwɨ bwɨɨ, bɛ jǝ́ nyǝm kaam nǝb nɨ mɨ sa taal Kwaamaɨ lɛɨ, kage mɛlalɨ gabakɛl jinɔ a wɔɔm bʊʊlalɨ jenɔ jǝ́ bǝla bwangtǝm bɨlǝngkɛlɔ.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

2 Yohana 1:8

Bɛ jǝ́ kɨla dul jenɔ. Ka jǝ́ mǝla lɛ maajɨgɔ jǝ́ maaɨ. Bɛ jǝ́ nya ywatǝm nyan.

Galatiya 4:3

A na nyɔ a daa bǝn woi. Nǝn kwama Kiristi lǝga bɔ a bɛɨ, bǝ na na bɛtɨ, bǝ na a mʊgɔ jwaalɛn a jǝfʊlǝn yooli nɨ gǝm.

2 Korinti 10:5

Nǝn kʊwa nǝbɔ taba fɨ lɛ a katɨ jinɔ gǝmɨ. Nǝn tʊngam kwalɨtɨn nɨ kʌshi kɛl Kwaamaɨ lɛɨ. Nǝn gʊ bʊʊlalɨ nǝl nǝbɨɨ lɛ gwam sǝ ja bwangtǝn Kiristi.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

1 Bitrus 1:18

Jǝ́ nyǝm Kwaama a jǝg jen a mʊgɔ jǝfʊlǝn bwɨlantɨn nɨ tʊgalam jenɔ a bǝla jemi. Kwaama a jǝg jen bɔ nǝn kanjǝl nɨ gǝ kala lɛɨ, na mʊn jǝbɔ maalʊ.

Roma 16:17

Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

Afisa 4:20

N ke bɔ jʊ ja mɛla jem a dul Kiristii.

Galatiya 1:14

Jen tʌjen jǝ́ nyǝm kanga a mʊgɔ jǝfʊlǝn Yahudawagɨɨ, n laa kɔrɔ Yahudawa nɨ nǝn dʊʊl dakinii. N sʊtǝn kwaan a bwangtǝm jǝfʊlǝn tʊgalam nǝnɨ nǝn bɨlǝngǝn dangǝn.

Filibii 3:2

Bɛ jǝ́ kɨla sǝgantɨn nɨɨ! Bɛ jǝ́ kɨla nǝb maajɨ bwɨla nɨ! Jǝ́ kɨla nǝb biyotǝm mwɛn nɨ!

Matta 16:6

Nǝngɔ Yesu a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”

Matta 10:17

“Bɛ jǝ́ kɨla nǝbɔ, jǝ yɔ yɔ nǝn jen a kǝga nǝb dʊʊm koteregɨɨ, ja tʊm jen nǝn banjangɨ a kan mɛlalɨ jin.

Kolosii 2:22

Diil nɨ n kɛl kanjǝl nɨ na ja ja jii, bʊta lɛɨ. Diiltɨn nɨ n diiltɨn mɛlalɨ nǝfilii.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Maajɨ Bɛtɔ Twamagɨɨ 17:18

Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

Maajɨ Bɛtɔ Twamagɨɨ 17:32

Ja nyʊwa kɛl guntǝmɔ a bwaaɨ, nǝngɔ kaamɨ a mog gǝnɨ, kaamɨ a sʊwa gɔ. “Nǝ swɨ lɛ nǝ yǝla nǝn nyʊwa jʊ nɨ mʊ sʊwa a dul kɛl nɨɨ.”

1 Korinti 8:9

Bɛ jǝ́ fɛ jǝ́ dʌng, kage nyatǝm dul jenɔ nɨ a yǝlam tɛl fǝtǝm naa a nǝb nɨ nǝl jinɔ a bɨ bɨɨ.

1 Korinti 10:12

Na gǝ na nyɨɨ, nʊ nɨ kuwo lɛ gɔ gǝ tɨɨ, bɛ ga nyǝm, kage ga yala.

Galatiya 5:15

Na jǝ́ wobka nam bʊtɔtɨn jenɔ lɛɨ, jǝ́ fɛ jǝ́ maa bʊʊlalɨ, kage a yǝlam gola kalkatǝm a kʊm jen.

Kolosii 2:23

Diiltɨn nɨ maamɔ bɨlǝngǝn, gǝ nʊng yʊlan, gǝ dǝg bǝlátǝm nǝn kwaan, gǝ dǝg shigtǝm dul na kwaan, gǝ dǝg nǝtǝm bʊtɔgɔ gaalan. Diiltɨn nɨ mɨsɔ tɨ lɛ nǝn nǝl a maatǝm kanjǝl bwɨla nɨ bʊtɔ gǝnɔ swɨ lɛ a maaɨ.

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.