Kolosii 2:23 - Dadiya NT

²³ Diiltɨn nɨ maamɔ bɨlǝngǝn, gǝ nʊng yʊlan, gǝ dǝg bǝlátǝm nǝn kwaan, gǝ dǝg shigtǝm dul na kwaan, gǝ dǝg nǝtǝm bʊtɔgɔ gaalan. Diiltɨn nɨ mɨsɔ tɨ lɛ nǝn nǝl a maatǝm kanjǝl bwɨla nɨ bʊtɔ gǝnɔ swɨ lɛ a maaɨ.

Kolosii 2:23 Referans Kwoze

1 Timoti 4:8

Mwɛl bʊtɔgɔ nǝn bʊmǝn gǝnɔ, bwangtǝm Kwaamaɨ a bʊm a shu a golantɨnɔ a gǝlala, jʊ a bwɨɨ nǝn gɔ bɛ lɛ nǝn bwili kʊlɨ a golantɨnɔ gǝmɨ, a wʊnɨ kǝngkɨɨ, jǝbɔ nʊ nɨ bɛ lɛ a kǝgaɨ.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

1 Timoti 4:3

N nǝbɔ kaa nǝb lɛ a naakan jǝbɔ jatǝm kaam jǝjalǝnɨ, wʊnɨ Kwaama a fwal nǝb nǝtǝm bɨlǝngkɛlɔ gǝmɨ, ja nyǝm bɨlǝngkɛlɔ, ja yo nǝn buutǝm kang.

Kolosii 2:22

Diil nɨ n kɛl kanjǝl nɨ na ja ja jii, bʊta lɛɨ. Diiltɨn nɨ n diiltɨn mɛlalɨ nǝfilii.

Afisa 5:29

Mɨ nʊ nɨ wo kɔ bʊtɔ gǝnɔ lɛɨ. Gǝ ja ja nǝn dul gǝnɔ. A kɨla nǝn gɔ, kanga Kiristi maa mʊrkalɨ nǝb bwangtǝm Kwaamaɨ gǝm lɛɨ,

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.