Kolosii 2:11 - Dadiya NT

¹¹ N mʊgɔ gǝn tag a biyo jem mwɛnɨ, ke bɔ biyotǝm mwɛn nǝn kang nǝfilii. Kiristi a maa nyɔ sǝ a dem bʊtɔ bwɨlangkɛl jenɔ.

Kolosii 2:11 Referans Kwoze

Roma 2:29

Nʊ nɨ n bwɛ Yahuda a mʊgɔ nǝlɨ, nǝn gɔ n bwɛ Yahuda nyanɨ. Biyotǝm mwɛn nyanɔ gǝ na a mʊgɔ nǝl, a mʊgɔ yʊwa, ke bɔ biyotǝm tɛ bʊtɔ. N nʊ nɨ Kwaama bǝlá gǝn nɛɨ, ke bɔ nǝfilii.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

Ibranii 9:24

Jʊ a bwɨɨ, Kiristi a dɔ bɔ kaa lɔ tǝlatǝm twama wʊnɨ nǝfili a mɔɨ, wʊnɨ nǝn gɔ n jelkalǝng lɔ dʌbʌli. A dɔ dʌbʌlɔ tǝgǝn sǝ a nʊng dul gǝnɔ a kǝga Kwaamaɨ a kɛl dul bǝn.

Ibranii 9:11

A Kiristii a bɛ kǝngkɨɨ, n dalɨ nǝkǝla na kanjǝl nyan nɨ woi. A dɔ lɔ tǝlatǝm twama wʊnɨ a laa bʊmǝnɨ, wʊnɨ n ke bɔ maatǝm nǝfilii, n ke bɔ jǝ fwaltǝm na yooli nɨ.

2 Korinti 5:1

Bʊtɔ bǝnɔ gǝ na na gushi. Bǝ nyǝm na ja kʌbi, Kwaama a maa bǝm kaa lɔ a dʌbʌl, wʊnɨ ke bɔ nǝl a mɔ nǝn kang gǝnɨ, wʊnɨ mɨ dɨtǝm woi.

Maajɨ Bɛtɔ Twamagɨɨ 17:24

“Kwaama nɨ a fwal yooligɔ jǝbɔ kanjǝl nɨ gwam a mʊgɔ gǝnɨ, nǝn gɔ Tɛlalɔ a dʌbʌl jǝbɔ tǝmɨ, mɨ gǝ yɨ lɛ a kan wabɨ nɨ nǝfili a mɔ nǝn kang gǝnɨ.

Maajɨ Bɛtɔ Twamagɨɨ 7:48

“Dalɨ nǝ Dʊʊ mɨ yɨ lɛ a lɔtɨn nɨ nǝfili a mɔɨ, kanga nǝkuwotǝmkǝgagɔ a sʊwaɨ gɔ,

Luka 2:21

Kwama nɨ bwɛ a la kumɔ naalǝbɨ, kwama nɨ jǝ biyo gǝm mwɛnɔ lɛɨ, nǝngɔ ja ja gǝm dunɔ gɔ Yesui, kanga bwɛ twama Kwaamaɨ a sʊwa ji kwama na lǝga bɔ ja do fʌl gǝnɨ.

Markus 14:58

“Nǝn nyʊwa gǝn sʊwa lɛ gɔ gǝ kʌb kʌb Kan Kwaaman nɨ nǝbɔ a mɔɨ, sǝ gǝ mɔ kaa tag a mʊgɔ kumɔ taal, wʊnɨ ke bɔ mɔtǝm nǝfilii.”

Roma 7:24

N mwɛ mɨ! N yǝlam jǝ bʊnatǝm! Nuwo jǝg ɨ lɛ a mʊgɔ bʊtɔ nɨ, wʊnɨ yɔ lɛ nǝn mǝ a bwaaɨ?

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.