Kolosii 1:7 - Dadiya NT

⁷ Jǝ́ mɛla nyɔ a daagɔ Abafaras woi, nʊ nɨ nǝn swɨ lɛɨ, fwalɨ maajɨ nǝn. N nʊ a ta swatǝm yaa a do nyiyo nǝnɔ a maajɨ Kiristii.

Kolosii 1:7 Referans Kwoze

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

Filimon 1:23

Abafaras, fwalɨ yɨm lɔsomi mǝndɨ a kɛl dul Kiristi Yesui, yal ń nɛ.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Kolosii 4:7

Tikikus sʊwa jen sʊwa jʊ mǝ wo a mʊgɔ gǝnɨ gwam. N kɛ nǝ swɨtǝm. N nǝ tatǝm swatǝm yaa. N fwalɨ maajɨ a mʊgɔ Tɛlalɔɨ.

Ibranii 3:2

Gǝ nɨ n nǝ tatǝm swatǝm yaa a nʊ nɨ a ya gǝnɨ, kanga Musa a ta swatǝm yaa Kwaamaɨ a nǝb gǝnɔ gǝm gwamɨ.

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

Filibii 2:25

N kuwo a bʊm nyɔ n yǝla n twam jem Abafaroditas, kɨla mɨ, fwalɨ maajɨ mǝndɨ, fwalɨ gʌtǝm mǝndɨ, wʊnɨ jǝ́ twam gǝn sǝ a tɨka ɨɨ.

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

1 Korinti 4:2

Jʊ jǝ swɨ lɛ nǝn nǝb nɨ ja jǝla nǝn jii, bɛ ja yǝlam nǝb tatǝm swatǝm yaa.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

Afisa 5:21

Bɛ jǝ́ nǝbka dul jenɔ a kɛl dul nǝtǝm Kiristii dʊʊn.

1 Korinti 7:25

A dul nɔɔtǝm nɨ a naa bɔ batǝm woi, mɨ mǝ nǝn jʊ nɨ Tɛlalɔ a sʊwa ɨɨ. Mǝ sʊwa jen kɛl nɨ a kuwotǝm mǝndɨ mǝ nʊ nɨ ja jǝla nǝn mǝ a lǝma Tɛlalɔɨ.

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

Matta 25:21

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Matta 24:45

“Nuwo n bwɛ jwaalɛ, n nǝ tatǝm swatǝm yaa jǝbɔ nǝ yʊlanɨ? N nʊ nɨ tɛlalɔ gǝnɔ a ya gǝn dʌngtǝm lɔ gǝnɨ, ya nǝ ji jǝjalǝnɔ lɛ nǝn kwama jǝ jam lɛɨ.

Matta 18:29

“Nǝngɔ fwal gɔ bwɛ jwaalɛ nɨ a jʊng yagɨ yagɨ a kela gǝn gɔ, ‘Bǝm nǝl mʊnɔ, mǝ ywa ń ywa ń.’

Kolosii 4:9

Yɔ jǝbɔ Onisimus, kɨla bǝn nɨ n nǝ tatǝm swatǝm yaa bǝ swɨ gǝn nɛɨ, wʊnɨ gǝ na a kʊm jeni. Nǝji jǝ sʊwa jen jʊ nɨ lɛ bwɨ lɛɨ.