Kolosii 1:29 - Dadiya NT

²⁹ N jʊ a bwɨ mǝ maa maajɨ lɛ nǝn kwaan, mǝ dɔta lɛ nyangǝn nǝn gʌleng kwaan nɨ ga nɨ ɨɨ.

Kolosii 1:29 Referans Kwoze

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

Afisa 1:19

N maa keli tag sǝ jǝ́ nyǝm dʊʊlǝn kwaan gǝnɔ nɨ mɨ kiyotǝm woi, wʊnɨ maa lɛ a kʊm bǝnɨ, bǝn nɨ bǝ nǝ bɨlǝngkɛlɨ. Wʊnɨ nǝn gɔ kwaan fɔlɔn gǝnɔ gɔ win,

Afisa 3:7

N yǝlam bwɛ jwaalɛ a maajɨ kiyotǝm fulon kɛl lǝmɨ nɨ, a dul lǝma nɨ Kwaama a nɨ ɨɨ, a gola kwaan gǝnɨ, kwaan gǝnɔ nɨ maa maajɨ lɛ a bʊtɔ mɨɨ.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Kolosii 2:1

Mǝ swɨ lɛ jǝ́ nyǝm dɔtatǝm nɨ mǝ dɔta lɛ a kɛl dul jeni, jǝbɔ nǝb nɨ a Lawudikiyaɨ, jǝbɔ nǝb nɨ ja kuwo i bɔ woi kǝga jǝbɔ kǝgaɨ.

2 Tasalonikaɨ 3:8

Nǝn ja bɔ jǝjalǝn jenɔ nǝn kwan. Nǝn nɔɔ gaalan jǝbɔ gʌtǝm. Nǝn maa maajɨ lɛ kum jǝbɔ kɔkɔ kage nǝn ya jem tuulo.

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

Filibii 2:16

Jǝ́ ta kɛl kʊlɨ nɨ gwanggwang. Na jǝ́ ja kǝga nǝn maatǝm nyɨɨ, na Kiristi a bɛɨ, mǝ maa maa sʊtɔ. Mǝ sʊwa sʊwa mǝʊ maajɨ mǝndɨ jǝbɔ gaalan mǝndɨ, a yɔ bɔ nǝn kwan.

1 Korinti 12:11

Gwam jinɔ Yʊwagɔ win wʊnɨ maa maajɨ nɨ lɛɨ, nǝn gɔ tǝga ji lǝmagɔ lɛɨ, kanga ga swɨɨ.

Roma 15:20

Kwangkwang mǝ swɨ lɛ n kiyo fulon kɛl lǝmɨ a daatɨn nɨ ja nyǝm bɔ Kiristi woi, kage n mɔ tʌgo a fʌlʌm kaa nǝlɨ.

Dʊgam Nyangnyang 2:3

N nyǝm mʊ nǝn kʊtǝm nǝl, mʊ nǝ bwatǝm nǝl a gaalan a kɛl dul mɨ, mɨ gǝ lʊwa ń nɛ.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

Filibii 1:30

Kanga jǝ́ kuwo i mǝ gʌi jǝbɔ gaalanɔ jǝ́ nyʊwa mǝ nɔɔ lɛɨ, kǝngkɔ tʌjen jǝ́ gʌ gʌ nyɔ na mǝ.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Afisa 3:20

Bɛ bǝlátǝmɔ a ta tʌgo gwanggwang a nʊ nɨ dwal maa jʊ nɨ lɛ a shu shui kwaan jʊ nɨ bǝ kel lɛɨ, jǝbɔ jʊ nɨ bǝ bʊʊla lɛɨ, a mʊgɔ kwaan gǝnɔ gǝm, wʊnɨ maa maajɨ lɛ a mʊgɔ nǝl bǝnɨ.

2 Korinti 13:3

Na jǝ́ swɨ lɛ jǝ́ nyǝm jengɔ n kwaan Kiristii mǝ sʊwa kɛl nɨ lɛ nǝnɨ, bɨlǝngkɛlɔ n wɔ. Kiristi a gɨya bɔ gɨyaɨ a daagɔ jen woi, a nʊng kwaan gǝnɔ a mʊgɔ jen.

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

2 Korinti 6:5

Nǝn nɔɔ gaalan bʊgǝn, nǝn nyʊwa bwatǝm, ja maa nǝm kɨlan, nǝn nɔɔ gaalan maajɨ, nǝn nya bɔ daatǝm dum, nǝn nyʊwa gaalan jʊwan.

2 Korinti 5:9

Na nǝ na a mʊgɔ bʊtɔ nɨɨ, na nǝ wʊlaka jǝbɔ bʊtɔ nɨ, swɨtǝm nǝnɔ nǝ fulo gǝm nǝl.

1 Korinti 12:6

Maajɨgɔ wo nǝn dʌmʌn, nǝn Kwaama win nǝ ji kwaan maatǝm jinɔ lɛɨ

Roma 15:30

Kambɔ, mǝ kela jen nɛ a dul Tɛlalɔ Yesu Kiristii, jǝbɔ swɨtǝm Yʊwa Kwaamaɨ, jǝ́ tɨka ɨ a mʊgɔ gaalanɔ mǝ woi, jǝ́ kela mɨ Kwaama.

Luka 13:24

“Jǝ́ maa kwaan bʊtɔ jǝ́ dɔ a nyanga kan nɨ a gwag gwagɨ. Mǝ sʊwa jen nɛ nǝbɔ a lada swɨ dɔtǝm lɛ. Mɨsɔ jǝ dwal lɛ.

Ibranii 12:4

Kɨlan jenɔ a dul bwɨlangkɛlɨ, a la bɔ jǝ tǝla tʊʊm jenɔ lɛɨ.

Kolosii 2:12

Ja fʌl jen jǝbɔ gɔ a gola yʊtǝm mwɛ sagsag, ja gung jen jǝbɔ gɔ a gola nǝtǝm bɨlǝngkɛl a kwaan Kwaamaɨ, wʊnɨ a gung gǝn a bwaaɨ.