Kolosii 1:22 - Dadiya NT

²² Kǝngkɔ Kwaama a dɔ kʊm jenɔ a fɛka jen a gola Kiristii a mʊgɔ bʊtɔ nǝfilii a gola bwaa gǝnɔ gǝm. A maa nyɔ sǝ a nʊng jen a kǝga Kwaamaɨ jǝ́ yǝlam nǝb sagsag, mɨ jen nǝn bwɨlangkɛl, mɨ nǝn jǝ tuwol tag a kǝga gǝn.

Kolosii 1:22 Referans Kwoze

Afisa 5:27

sǝ a do dul gǝnɔ gǝm mʊrkalɨ nǝb bwangtǝm Kwaamaɨ nɨ a bʊm bʊmɨ, mɨ nǝn kʊlan jǝbɔ wʊrmatǝm tɛ bʊtɔ jǝbɔ jǝ bwɨla, a yǝlam sagsag mɨ nǝn jǝ tuwol.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Afisa 1:4

A kwɛl a jǝg bǝn jǝgɨ a mʊgɔ Kiristii na lǝga bɔ a fwal yooligɔ, sǝ bǝ yǝlam sagsag, mɨ nǝn jǝ tuwol a kǝga gǝn. A kɛl dul swɨtǝm gǝn

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Roma 7:4

A na nyɔ kɛtǝlam mɨ, jǝ́ bʊla a diilɔ gǝm a gola bʊtɔ Kiristii, jʊ a bwɨɨ sǝ jǝ́ yǝlam a kaa nǝlɨ, wʊnɨ ja gung gǝn a bwaaɨ, sǝ jǝ́ maa maajɨ nya a kǝga Kwaamaɨ.

Ibranii 10:20

Bǝ dɔ daagɔ a gola fɨgɔ gǝm, wʊnɨ nǝn kʊlɨɨ, wʊnɨ a wum bǝm dwang nyanga kanɨ, nǝn gɔ n bʊtɔ gǝnɨ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

2 Korinti 11:2

Mǝ maa nungon nɛ a dul jen kanga Kwaama maa lɛɨ. N fɛka jen na bwɛnɔɔlɨ nɨ naa Kiristi lɛɨ. Mǝ swɨ lɛ n nǝ jen na nɔɔgwaalɨ nɨ sagsag a daa bwɨla gǝ woi kwaagɔ.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.

1 Tasalonikaɨ 4:7

Kwaama a jo bǝn bɔ sǝ bǝ yɨ yɨm nɨ mɨ sagsagɨɨ. A jo bǝn sǝ bǝ yɨ yɨm sagsag.

Luka 1:75

a gola yɨm sagsag jǝbɔ bwangtǝm Kwaamaɨ dǝngdǝng a kǝga Kwaamaɨ mɨ dɨtǝm wo.

2 Korinti 4:14

Nǝ nyǝm nyɔ Kwaama nɨ a gung Tɛlalɔ Yesu a bwaaɨ, gǝ tǝgǝn gung nǝn gung a gola Yesui. Bɛ bɛ nǝn nǝn jǝbɔ jen a kǝga gǝn.

2 Korinti 5:18

Jʊ nɨ gwam n maatǝm Kwaamaɨ, nʊ nɨ a dɔ kʊm bǝnɔ nǝn kang gǝn a gola Kiristii, a nǝ nǝn maajɨ dɔtǝm kʊm nǝbɨɨ jǝbɔ Kwaama.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.