Kolosii 1:20 - Dadiya NT

²⁰ N gola Kiristii a dɔ kʊm kanjǝlɔ gwam a fɛka nǝn kang gǝnɨ, kanjǝl nɨ gwam a dʌbʌli jǝbɔ kanjǝl nɨ a tǝmɨ. N gola tǝlatǝm tʊʊm gǝn a dʌbʌl tɨya kʊʊtǝm a bɛ nǝn yɨm kwamɨgǝnɨ.

Kolosii 1:20 Referans Kwoze

Afisa 1:10

Jʊ nɨ pʌd n fɛkalɨ Kwaamaɨ, sǝ na kwamagɔ a laɨ, kanjǝl nɨ gwam mʊrka a daagɔ Kiristi woi, kanjǝl nɨ a dʌbʌl kwamaɨ, jǝbɔ kanjǝl nɨ a tǝmɨ.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Filibii 2:10

sǝ a mʊgɔ dun Yesui, nǝbɔ gwam jʊng jʊng nǝn dun a dʌbʌl, jǝbɔ tǝm, jǝbɔ mʊgɔ tǝm.

Maajɨ Bɛtɔ Twamagɨɨ 10:30

Nǝngɔ Karniliyas a jǝla gɔ, “Kumɔ taal nɨ a shui, kang kwama nɨ, kemʌnɔ taal na kwaamɨ, mǝ maa keli lɛ a lɔ mɨ. Nǝngɔ kaa balɨ a tɨ a kǝga mɨɨ, dwang malǝng gǝnɔ beta lɛ nyɔ.

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Matta 1:21

Bʌ mʊn bʌ bwɛ, mʊ ja gǝm dunɔ gɔ Yesu, jʊ a bwɨɨ nǝn gɔ bʊʊ lɛ nǝn nǝbam gǝnɔ a bwɨlangkɛl jinɔ gǝmɨ.”

Kolosii 1:16

N daa gǝ woi Kwaama a fwal kanjǝlɔ gwamɨ, kanjǝl nɨ a dʌbʌli jǝbɔ kanjǝl nɨ a tǝmɨ, kanjǝl nɨ bǝ kuwo lɛɨ, jǝbɔ a wʊnɨ mɨ bǝ kuwo lɛɨ, nǝb nɨ maa fɔlɔn nɛɨ jǝbɔ nǝbɔ nǝn kwaan fɔlɔnɨ. Kanjǝlɔ gwam Kwaama a fwalɨ. A fwal ji a gola gǝn. A fwal ji a kɛl dul gǝn tag.