Kolosii 1:16 - Dadiya NT

¹⁶ N daa gǝ woi Kwaama a fwal kanjǝlɔ gwamɨ, kanjǝl nɨ a dʌbʌli jǝbɔ kanjǝl nɨ a tǝmɨ, kanjǝl nɨ bǝ kuwo lɛɨ, jǝbɔ a wʊnɨ mɨ bǝ kuwo lɛɨ, nǝb nɨ maa fɔlɔn nɛɨ jǝbɔ nǝbɔ nǝn kwaan fɔlɔnɨ. Kanjǝlɔ gwam Kwaama a fwalɨ. A fwal ji a gola gǝn. A fwal ji a kɛl dul gǝn tag.

Kolosii 1:16 Referans Kwoze

Roma 11:36

Kanjǝlɔ gwam a bɛ a daa gǝ woi, n gola gǝn ja fɛ kanjǝlɔ gwamɨ, n daa gǝ woi jǝ yǝla lɛɨ. Bɛ nǝtǝm dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Yohana 1:3

Kwaama a fwal kanjǝlɔ gwam a gola gǝn. Mɨ nǝn jʊ nɨ a fwal ke bɔ a gola gǝnɨ.

1 Korinti 8:6

Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.

Ibranii 2:10

Kwaama nǝn gɔ a fwal kanjǝlɔ gwamɨ, kanjǝlɔ gwam n dʊʊlǝn gǝn. Swɨ lɛ gǝ nya bɛtɨ a lada a nya dʊʊlǝn gǝnɔ, a bʊm a fɛ nʊ nɨ win bwangtǝn nɛ nǝn nǝbɔ a nya bʊʊtǝm nyan a gola gaalan gǝnɨ.

Ibranii 1:2

A kumtɨn dɨltǝmɔ gǝmɨ, nǝngɔ a sʊwa bǝn kɛl a daagɔ Bʊla gǝ woi, wʊnɨ a ya gǝn nǝn gɔ nǝ kʊla kanjǝlɔ gwamɨ, wʊnɨ n daa gǝ woi a fwal yooligɨɨ.

Afisa 1:10

Jʊ nɨ pʌd n fɛkalɨ Kwaamaɨ, sǝ na kwamagɔ a laɨ, kanjǝl nɨ gwam mʊrka a daagɔ Kiristi woi, kanjǝl nɨ a dʌbʌl kwamaɨ, jǝbɔ kanjǝl nɨ a tǝmɨ.

Kolosii 1:15

Nǝn gɔ n jelkalǝng Kwaama wʊnɨ mɨ bǝ kuwo lɛɨ. Nǝn gɔ a laa kanjǝlɔ gwam Kwaama a fwalɨ, dʊʊnɨ.

Kolosii 2:10

N daa gǝ woi jǝ́ yii dǝngdǝngɨ, wʊnɨ nǝn gɔ n dul a dul fɔlɔn jǝbɔ kwaanɨ.

Filibii 2:10

sǝ a mʊgɔ dun Yesui, nǝbɔ gwam jʊng jʊng nǝn dun a dʌbʌl, jǝbɔ tǝm, jǝbɔ mʊgɔ tǝm.

Kolosii 1:20

N gola Kiristii a dɔ kʊm kanjǝlɔ gwam a fɛka nǝn kang gǝnɨ, kanjǝl nɨ gwam a dʌbʌli jǝbɔ kanjǝl nɨ a tǝmɨ. N gola tǝlatǝm tʊʊm gǝn a dʌbʌl tɨya kʊʊtǝm a bɛ nǝn yɨm kwamɨgǝnɨ.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

Kolosii 2:15

A wɔɔm kanjǝl tatǝm kun Mammɨ jǝbɔ kwaan nǝblaamɨ jǝbɔ fɔlɔn jinɔ, a nǝ ji gunidul a talɨ, a ku jelʌn a dʌbʌl tɨya kʊʊtǝm.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

Roma 8:38

N jǝla nǝn mǝʊ mɨ jʊ nɨ wo wʊlaka bǝn nɛ jǝbɔ swɨtǝm Kwaamaɨ. Na n bwaaɨ, na n kʊlɨɨ, na n bɛtɔ twama Kwaamaɨ, na n nǝblaamɨ, na n kanjǝl nɨ kǝngkɨɨ, na n kanjǝl nɨ bɛ lɛ a kǝgaɨ, na n kwaan fɔlɔntɨnɨ,

Yohana 1:10

Kɛl nɨ gǝ na a yooli, Kwaama a fwal yooligɔ a gola gǝn, yooligɔ a nyǝm gǝn bɔ.

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.