Biblia Todo Logo
Bib sou entènèt

- Piblisite -




Kolosii 1:12 - Dadiya NT

12 Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Gade chapit la Kopi




Kolosii 1:12
50 Referans Kwoze  

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.


N daagɔ Kiristi woi, Kwaama a jǝg bǝn bǝ yǝlam nǝb gǝnɨ, a kwɛl a maa fɛkalɨ nɨ nǝn tɨkǝga. Nǝn gɔ gǝ maa jʊtǝb nɨ lɛ gwam a swɨtǝm gǝnɨ,


N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.


Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’


Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.


Nǝn Kwaama a fɛka bǝm fʌtotǝm nɨɨ, gǝ nɨ a nǝ bǝn Yʊwa gǝnɨ. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.


Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.


Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.


Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.


Tuulɔngɔ a saa bɔ nyalǝm kɔkɔ, jǝbɔ fulotǝm bwaala sǝ a nǝ gǝn nyalǝm, jʊ a bwɨɨ dʊʊlǝn Kwaamaɨ nǝn gɔ nyalǝm gǝnɨ. Bɛ Gal nɨ nǝn gɔ fitila gǝnɨ.


Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.


Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.


Kwangkwang bɛ ya jǝ́ buu Kwaama Tɛtɛ gǝm kang lɛ a dul kanjǝlɔ gǝm gwam, a mʊgɔ dun Tɛlalɔ bǝn Yesu Kiristii.


Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.


Ja nyʊwa lǝma maatǝmɔ nyɔ, jʊ a bwɨɨ a yǝlam jim na naan a dul jin. Bʌtʌbɔ a tǝga bwili yʊwagɔ dakini jǝbɔ ji. A yǝlam nyɔ tʌji ja tǝga bwili yooligɔ jǝbɔ ji.


Bǝ bǝlá Tɛlalɔ wʊnɨ nǝn Tɛtɛ bǝnɨ nǝn ben bǝnɔ. Nǝn gɔ tag bǝ tuwolam nǝb lɛ nǝnɨ, wʊnɨ Kwaama a fwal a mʊgɔ jelkatǝm gǝnɨ.


A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.


Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.


Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.


A na nyɔ tag a kɛl bulon, jǝbɔ sʊwalatǝm kɛl nǝn kwan, jǝbɔ kabatǝm jongʌn wʊnɨ mɨ nǝn kaa tɨkalɨɨ. Jʊ a laa jǝlɨ, bɛ ya jǝ́ buu Kwaama gǝm kang lɛ.


Kwaama win, nǝn gɔ nǝn Tɛtɛ bǝn gwam, wʊnɨ a dul bǝn gwamɨ, maa maajɨ lɛ a daa bǝn woi gwam, nǝn gɔ a mʊgɔ bǝn gwam tagɨ.


Mǝ maa nyɔ gwam a dul fulon kɛl lǝmɨ nɨ sǝ n nya a mǝndɨ lǝmagɔ a mʊgɔ bwiligɔ gǝm.


Na Kwaama a kǝlam kaam kang tɨyantɨnɨ, mɔ mʊ tɨya zaitun kuul nɨ a bwa mʊn naakan jǝbɔ gɨɨ, mʊ nyʊwa lǝma jʌng tɨyang zaitun nɨ lɛ dakini jǝbɔ tangǝn kang tɨyantɨnɨ,


N jǝlatǝm gǝn a nǝ shilo dʊʊlǝn gǝnɔ a nǝb nɨ ga ji bʊnǝn jini, nǝb nɨ ga maa jim gola nyatǝm dʊʊlǝn nǝn tɨkǝgaɨ.


Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”


Kwamagɔ bɛ lɛ wo, a kwɛl a bɛ, wʊnɨ nǝb dʊʊltǝm Kwaamaɨ dǝngdǝngɨɨ jǝ dʊʊl gǝm a mʊgɔ yʊwa jǝbɔ bɨlǝngkɛl. Kwaama a saa nǝbɔ nyɔ sǝ ja dʊʊl gǝm.


“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.


“Bwiligɔ na a nǝb nɨ a gam dwang malǝngtɨn jini, sǝ ja nya gola jatǝm tʊʊl tɨya kʊlɨgɨɨ, sǝ jǝ dɔ nyangatɨn tuulɔngɨ.


Mɨsɔ jǝ fi kum lɛ wo. Mɨsɔ jǝ swɨ kuwotǝm nyalǝm fitila lɛ jǝbɔ nyalǝm kɔkɔgɔ, jʊ a bwɨɨ, Tɛlalɔ Kwaama nǝn gɔ yǝlam jim nyalǝm lɛɨ. Jǝ maa maa fɔlɔn mɨ dɨltǝm wo.


Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.


Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.


Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.


N ke bɔ jǝ tatǝm kang a nyiyo, jʊ a bwɨɨ Mammɔ nǝn kang gǝn gǝ yǝla yǝla nǝn dul gǝnɔ na bwɛ twama Kwaamaɨ nɨ nǝn nyalǝmɨ.


N daa gǝ woi gwam bǝnɔ yo bǝ nya bɛtǝm a daagɔ Tɛtɛ woi a gola Yʊwagɔ wini.


Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.


Bɛ ka kaa jǝl ya mʊrka jen nɛ jǝbɔ kanjǝl kumtojili. Na gǝ na nyɨɨ, bɛ jǝ́ jǝg bwɨlan jinɔ a talɨ.


Swiv nou:

Piblisite


Piblisite