Ibranii 7:14 - Dadiya NT

¹⁴ N bɨlǝngǝn dangǝn sʊwatǝmɔ gɔ, Tɛlalɔ bǝn a jel a dʊʊm Yahudaɨ. Musa a sʊwa bɔ kaa kɛl a dul nǝbkǝlam wʊnɨ a jel a dʊʊm gɨɨ.

Ibranii 7:14 Referans Kwoze

Dʊgam Nyangnyang 5:5

Nǝngɔ win a kʊm daltɔ dʊʊm nɨ a sʊwa ɨ gɔ, “Bɛ ka ń ji lɛ wi! N wɔ, tulʌm nɨ a dʊʊm Yahudaɨ, guu Daudaɨ, a ku jelʌn nyangǝn. Nǝngǝn nǝn kwaan nɨ wum langǝn bwangǝn nɨ lɛɨ, a gwalam mɛl nɨ ja bʊltɨ daatɨnɔ nʌbʌli.”

Luka 3:33

Nashon nǝn bʊla Amminadabɨ. Amminadab nǝn bʊla Aramɨ. Aram nǝn bʊla Hesrunaɨ. Hesruna nǝn bʊla Feresaɨ. Feresa nǝn bʊla Yahudaɨ.

Dʊgam Nyangnyang 22:16

“Mǝ Yesu, mǝ twam bwɛ twama mǝndɨ sǝ a sʊwa daatɨn mʊrkalɨ nǝb bwangtǝm Kwaamaɨ kanjǝl nɨ. Nǝmǝ mǝ jingɔ, jǝbɔ guu Daudaɨ. Nǝmǝ mǝ nyalǝm tulkasi kumsʌli.”

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

Afisa 1:3

Bɛ bǝlátǝmɔ a ta tʌgo gwanggwang a daagɔ Kwaama woi, Tɛtɛ Tɛlalɔ bǝn Yesu Kiristi, wʊnɨ a nǝ bǝn bwili Yʊwagɔ gwam a dʌbʌli, a mʊgɔ Kiristii.

Roma 2:3

Mʊ nǝfili, na mʊ maa nǝb nɨ maa bwɨlangkɛl lɛɨ gǝm borangɨ, na mʊ tǝmʊn mʊ maa lɛ nyɨɨ, mʊ bʊʊla lɛ mɔʊ mʊ bʊʊ bʊʊ borang Kwaamaɨ ka?

Yohana 20:28

Nǝngɔ Toma a sʊwa gǝn gɔ, “Tɛlalɔ mɨ jǝbɔ Kwaama mɨ tag.”

Yohana 20:13

Nǝngɔ bɛtɔ twama Kwaamaɨ ja bʌ gǝn gɔ, “Nɔɔlɨ dʊʊ, n wɛ bwɨ mʊ ji wi lɛɨ?” A sʊwa ji gɔ, “Ja dem Tɛlalɔ mɨ. Mǝ nyǝm bɔ daa nɨ ja yam gǝnɨ.”

Luka 1:43

N lǝma wɛ a nya ɨ nyɨɨ, nyɨya Tɛlalɔ mɨɨ bɛ lɛ fɔ a daa mɨ woi?

Filibii 3:8

Bɨlǝngǝn n do kanjǝlɔ gwam yalatǝm na n mʊrka ji jǝbɔ nyǝmtǝm dʊʊlǝn Yesu Kiristii, Tɛlalɔ mɨ. N kɛl dul gǝn mǝ tǝlam kanjǝlɔ gwamɨ, n do ji n jǝl nǝn kwan sǝ Kiristi a yǝlam a mɨ,

Matta 2:6

“ ‘Mɔ tǝmʊn Baitalami, a tǝm Yahudiya, Mɨ mɔ dǝm a nǝb maatǝm fɔlɔnɔ gǝm a tǝm Yahudiyaɨ. Jʊ a bwɨɨ kaa nǝ maatǝm fɔlɔn jel jel a mɔ gǝm, wʊnɨ yǝlam nǝb mǝndɨ Israila gǝm dʊʊ lɛɨ.’ ”

Ibranii 7:13

Yesu nɨ nǝn sʊwa kɛl lɛ a dul gǝnɨ, gǝ na a kaa dʊʊm, wʊnɨ mɨ nʊ nɨ wo a dʊʊm jin a tǝla twama wo a daa twɨtǝm yulʌni.

Ibranii 7:15

Jʊ nɨ a jel a talɨ nyangnyang, a kwama nɨ kaa nǝkǝla a nʊng dul gǝnɔ na Malkisadiki.