Ibranii 6:19 - Dadiya NT

¹⁹ Yatǝm nǝl nɨ bǝ nǝngǝnɨ, a maa na anka a daa bǝn woi, wʊnɨ a ta bǝn gwanggwang mɨsɔ bǝ shu lɛɨ. Nǝn gɔ a dɔ fʌlen a mʊgɔ Daa nɨ a Laa Sagsagɨ, a gul dwang nɨ a tǝga kanɨ.

Ibranii 6:19 Referans Kwoze

Ibranii 9:7

A kan na yogɔ, n dalɨ nǝkǝlagɔ kwaagɔ gǝ dɔ lɛɨ, gǝ tǝgǝn gǝ dɔ naa win a jol. Gǝ dɔ nǝn tʊʊm wʊnɨ gǝ tǝla lɛ a kɛl dul bwɨlangkɛl gǝnɨ jǝbɔ bwɨlangkɛl nɨ nǝbɔ a maa ke bɔ a nyǝmtǝm jini.

Ibranii 9:3

A gul dwang na yogɔ, kaa lɔ tǝlatǝm twama wo wʊnɨ jǝ jo lɛ gɔ Daagɔ a Laa Sagsagɨ.

Matta 27:51

Nǝngɔ dwang Kan Kwaamanɔ a bel yoi, a dʌbʌl a gǝla nǝn a tǝmɨ. Tǝmɔ a mǝga, gamtɨnɔ a wulola.

Kolosii 3:1

Kwaama a gung jen nǝn kʊlɨ jǝbɔ Kiristi. Na gǝ na nyɨɨ, bɛ jǝ́ saa kanjǝl nɨ a dʌbʌli, a daa nɨ Kiristi yǝm woi, a kang jajǝng Kwaamaɨ.

2 Timoti 2:19

Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”

Maajɨ Bɛtɔ Twamagɨɨ 27:29

Jǝ nyʊwa taal lɛ ka tɨyamwɛngɔ a tǝgaka jǝbɔ sunte, nǝngɔ ja dem kang a ankatɨnɔ naalɨ (kemʌntɨn nɨ a tuu tuui) a gul tɨyamwɛngɨ, kage tɨyamwɛngɔ a shu. Nǝngɔ ja maa keli ja ya Kwaama gǝm nui, sǝ tǝmɔ a sɛl dǝbǝr.

Roma 4:16

N kɛl dul jʊ nɨ, Kwaama a nǝ kanjǝl nɨ ga maa swatǝm yaaɨ a nǝb nɨ a nǝ bɨlǝngkɛlɨ. Jʊ nɨ nǝn gɔ a yǝlam lǝma Kwaamaɨ, a yɔ nǝn a dʊʊm Ibrahimi. Ke bɔ a dul nǝb nɨ bwangtǝn diil lɛɨ kwaaji. A yɔ nǝn a nǝb nɨ a nǝ bɨlǝngkɛlɨ kanga Ibrahim a maamɨ. Nǝn gɔ nǝn Tɛtɛ bǝn pʌdi.

Maajɨ Bɛtɔ Twamagɨɨ 27:40

Nǝngɔ ja mwatam dwangtɨn nɨ a ta ankatɨnɨ (kemʌntɨn nɨ a tuu tuui), ja bǝla ji a mʊgɔ wɨmaɨ. A dǝngdǝng kwama gɔ nǝngɔ ja kwɨm dwang kwatǝm jǝ yǝlatǝm tɨyamwɛngɨ. Nǝngɔ ja gung bɨlǝntɨn tɨyamwɛngɔ a kǝga tɨyamwɛngɔ gǝmɨ, sǝ yʊwagɔ a tʊng gǝn a kǝga. Nǝngɔ ja dǝg dul sǝ jǝ yɔ a gwanga kʌng wɨmaɨ.

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

Afisa 2:6

A gung bǝn a bwaa dakini jǝbɔ Kiristi. A nǝ bǝn daa yɨm jǝbɔ gɔ a dʌbʌl kwama, a mʊgɔ Kiristi Yesui.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Maajɨ Bɛtɔ Twamagɨɨ 23:6

Bulus a fɛ a dʌngi, kaamɨ n nǝbɔ Sadukiyaɨ, kaamɨ n nǝbɔ Farisaɨ. Nǝngɔ a gung diilɔ a jo nǝb dʊʊm koteregɨɨ a sʊwa gɔ, “Kambɔ, mǝ bwɛ Farisa, tɛtǝlam mǝndɨ nǝbɔ Farisaɨ. Jʊ a bwɨ jǝ maa mɨ borang lɛɨ, n yatǝm nǝlɔ mǝ ya a guntǝm a bwaaɨ.”

Roma 4:18

A ya bɔ nǝl a dul gǝn nǝn kang gǝn. A ya nǝl a daa Kwaama woi. A nǝ bɨlǝngkɛl gɔ gǝ yǝlam yǝlam “Tɛtɛ bǝlǝntǝmɨ a lada.” Kanga Kwaama a sʊwa gǝn gɔ, “Bɨlǝngǝn dʊʊm mʊnɔ yǝlam yǝlam a lada.”

Roma 5:4

Bwatǝm nǝlɔ nǝn gɔ gǝ bɛ lɛ nǝn nǝl nyaɨ. Nǝl nyagɔ tag nǝn gɔ bɛ lɛ nǝn yatǝm nǝlɨ.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.