Ibranii 4:11 - Dadiya NT

¹¹ Bɛ bǝ maa kwaan dɔtǝm daa fǝbtǝm nɨ, kage kaa nǝl a gaa dɔtǝmɔ a dul bǝngɨ lɔl kanga tʊgalam bǝnɔ a maamɨ.

Ibranii 4:11 Referans Kwoze

Ibranii 3:18

A wɛɛlǝm bǝ wo tag gɔ, mɨsɔ jǝ dɔ daa fǝbtǝm gǝnɔ lɛɨ? N ke bɔ jǝbɔ nǝb bǝngɨ lɔl nɨ ka?

Luka 13:24

“Jǝ́ maa kwaan bʊtɔ jǝ́ dɔ a nyanga kan nɨ a gwag gwagɨ. Mǝ sʊwa jen nɛ nǝbɔ a lada swɨ dɔtǝm lɛ. Mɨsɔ jǝ dwal lɛ.

Ibranii 6:11

Nǝn swɨ lɛ gwam jenɔ jǝ́ ja kǝga nǝn maatǝm maajɨ nyan nɨ yɔ lɛ nǝn a dɨltǝmɨ, sǝ jǝ́ nya jʊ nɨ jǝ́ ya nǝl woi.

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

Kolosii 3:6

N kɛl dul kanjǝl nɨ nabwɨl Kwaamaɨ bɛ lɛ a dul nǝb bǝngɨ lɔlɨ.

Maajɨ Bɛtɔ Twamagɨɨ 26:19

“Agaribas, Fɔlɔgɔ, a kɛl dul jʊ nɨ mǝ kɔ bɔ maatǝm jʊ dʊgam nyangnyangɔ a nʊng ɨɨ, wʊnɨ a bɛ a dʌbʌli.

Luka 16:16

“Nǝbɔ a bwangtǝn diil Musaɨ jǝbɔ a nǝbkuwotǝmkǝgagɨɨ, ba la nǝn a kwama Yohanaɨ, nǝ yʊtǝm mwɛ sagsag. Kǝngkɔ bǝ kiyo fulon kɛl lǝmɨ fɔlɔn lɔ Kwaamaɨ lɛ, kwama gɔ, nǝbɔ maa kwaan nɛ jǝ dɔ mʊgɔ gǝnɔ.

Matta 11:12

A kwama Yohana nǝ Yʊtǝm mwɛ Sagsagɔ a bɛ nǝn a dwiyeni, fɔlɔn lɔ Kwaamaɨ nyʊwa gaalan nɛ, nǝb nɨ nǝ ji gaalan nɛɨ, nǝji jǝ swɨ lɛ ja yem fɔlɔn lɔ Kwaamaɨ nǝn kwaanɨ.

Matta 7:13

“Jǝ́ dɔ a nyanga lɔng nɨ a gwag gwagɨ. Nyanga lɔng nɨ yɔ lɛ nǝn nǝl a daa bwaaɨ a tɛɛna nyɔ, gola gɔ a bwa bɔ, nǝbɔ dɔ lɛɨ, a lada.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Yohana 6:27

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Ibranii 4:6

Jʊ nɨ gǝ nʊng gɔ, jǝ nǝb nɨ ja tǝl sʊwatǝm jinɔ fulon kɛl lǝmɨgɨɨ, ja gaa dɔtǝmɔ, jʊ a bwɨɨ ja maa bǝngɨ lɔl. Kǝngkǝnɨ tangǝn golagɔ wo, kaamɨ jǝ dɔ dɔ.

2 Bitrus 2:6

A wul tuulɔ Sadumagɔ jǝbɔ Gwamratagɔ, a yǝlam bugom a dul kanjǝl bwɨlan nɨ ja maaɨ, sǝ a yǝlam jǝ mɛlalɨ a daa nǝb nɨ mɨ nyʊwa taal Kwaamaɨ lɛɨ.