Ibranii 13:2 - Dadiya NT

² Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.

Ibranii 13:2 Referans Kwoze

Matta 25:35

Jǝ́ nya nya jʊ nɨ, jʊ a bwɨɨ nǝn kwama gɔ mǝ nyʊwa jʊwan nɛ, jǝ́ nɨ ɨ jǝjalǝn. Nǝn kwama gɔ mǝ nyʊwa diil mwɛ lɛ, jǝ́ nɨ ɨ n nɔɔ. Nǝn kwama gɔ mǝ maam faabǝnɨ, jǝ́ shig i.

Roma 12:13

Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.

1 Bitrus 4:9

Ya jǝ́ yobka lɛ a mʊgɔ lɔtɨn jenɔ gǝm, mɨ kʊngatǝm wo.

Matta 25:43

Nǝn kwama gɔ n shig jem faabǝn, jǝ́ shig i bɔ. Nǝn kwama gɔ mǝ sǝlɨgǝn, jǝ́ dʊʊ mɨ bɔ dwang a bʊtɔ. Nǝn kwama gɔ mɨ mǝ kwamɨgǝn, jǝ́ tɔɔ ɨ bɔ. Nǝn kwama gɔ ja mal ɨ a lɔsomi, jǝ́ kǝsa ɨ bɔ.’

Titus 1:8

Bɛ a yǝlam nʊ nɨ shig faabǝm lɛɨ, nʊ nɨ swɨ maatǝm jǝ nya lɛɨ, nʊ nɨ a dǝg kang gǝnɔ a sʊɨ, nǝ dǝngdǝng, nǝ sagsag, nǝ tatǝm dul,

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

Roma 16:23

Gayus, nʊ nɨ a shig i a mʊgɔ lɔ gɨɨ, nʊ nɨ yo mʊrkalɨ nǝb bwangtǝm Kwaamaɨ lɛ a mʊgɔ lɔ gɨɨ, yal jen nɛ. Arastas nǝ gol kemʌn tuulɔngɔ jǝbɔ kɨla bǝn Kawartas, jǝ yal jen nɛ.

Maajɨ Bɛtɔ Twamagɨɨ 16:15

Nǝn kwama a yʊ mwɛ sagsagɔ jǝbɔ nǝbɔ lɔ gɨɨ, nǝngɔ a jo nǝn a lɔ gɨɨ. A sʊwa gɔ, “Na jǝ́ jǝla mǝ nǝ nǝtǝm bɨlǝngkɛl a daagɔ Tɛlalɔ woi, jǝ́ bɛ ba jǝ́ yɨ a lɔ mɨ.” A kela nǝn nyɔ, nǝngɔ nǝn jǝlaɨ.

3 Yohana 1:5

Fwalɨ nyan mǝndɨ, mʊ nǝ tatǝm swatǝm yaa a tɨkalɨ nɨ mʊ maa kambɔ gǝm lɛɨ, a ga keli a faabǝmɔ gǝm.