Ibranii 13:18 - Dadiya NT

¹⁸ Jǝ́ maa nǝm keli. Nǝn nyǝm nyɔ nǝn nǝn mʊgɔ nǝl nɨ mɨsɔ nǝn nyʊwa gunidul lɛɨ. Nǝn swɨ lɛ nǝn yɨ yɨm nǝnɔ a gola nyan.

Ibranii 13:18 Referans Kwoze

1 Tasalonikaɨ 5:25

Kambɔ, jǝ́ maa nǝm keli.

2 Tasalonikaɨ 3:1

A dɨltǝmɔ gǝmɨ kambɔ, jǝ́ maa nǝm keli, sǝ kɛl Tɛlalɔɨ a kwɨya dǝbǝr dǝbǝr, a nya nǝtǝm dʊʊn, kanga nɨ a nya a daa jen woi.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

Kolosii 4:3

Jǝ́ kela Kwaama a wum nǝm gola nǝn sʊwa kɛl nɨ ja yʊ yʊɨ a dul Kiristii, wʊnɨ n kɛl dul gǝn ja bwa ɨɨ.

Roma 15:30

Kambɔ, mǝ kela jen nɛ a dul Tɛlalɔ Yesu Kiristii, jǝbɔ swɨtǝm Yʊwa Kwaamaɨ, jǝ́ tɨka ɨ a mʊgɔ gaalanɔ mǝ woi, jǝ́ kela mɨ Kwaama.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Tasalonikaɨ 4:12

Jǝ́ maa nyɔ sǝ nǝb nɨ ke bɔ nǝb bwangtǝmɨ ja nǝ jen dʊʊn. Ka jǝ́ ya lɛ nǝbɔ gǝm tuulo.

Maajɨ Bɛtɔ Twamagɨɨ 24:16

N jʊ a bwɨ kwangkwang mǝ sʊ kwaan nɛ, mɨ mǝ nǝn kaa komtǝm wo a nǝl mɨ a kǝga Kwaamaɨ jǝbɔ nǝbɔ.

Maajɨ Bɛtɔ Twamagɨɨ 23:1

Nǝngɔ Bulus a ya nǝb dʊʊm koteregɔ gǝm nu a sʊwa gɔ, “Kambɔ, a bɛ nǝn a kɔkɔ nɨ dwiyeni, n yɨ yɨm nɨ a maa dǝngdǝng a kǝga Kwaamaɨ, a mʊgɔ nǝl mɨɨ, mɨ kaa jǝ komtǝm wo.”

Filibii 4:8

A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Roma 12:17

Na nǝl a maa jem shili, ka jǝ́ jǝla lɛ jǝ́ maa gǝm shil tǝgǝn. Bɛ jǝ́ maa jʊ nɨ dǝngdǝngɨ a kǝga nǝbɨɨ gwam.