Ibranii 11:37 - Dadiya NT

³⁷ Ja jʌbo ji nǝn tɛl. Ja mwata ji yo. Ja jʌbo ji nǝn gulʌn. Jǝ bola nǝn tɛ kwamɨtɨn jǝbɔ tɛ bɨntɨn. Jǝ yɨ yɨm bʊnǝn, jǝbɔ gʌtǝm jǝbɔ nyʊwatǝm gaalan.

Ibranii 11:37 Referans Kwoze

Maajɨ Bɛtɔ Twamagɨɨ 7:52

A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ.

Dʊgam Nyangnyang 11:3

Mǝ nǝ nǝ nǝb nǝtǝm nyiyo mǝndɨ nɨ yoi kwaan ja maa kuwotǝmkǝga, kumɔ fʊlkʊblǝn jǝbɔ fʊlkʊb yo jǝbɔ fʊltǝnukun (1,260), jǝ bwa dwang bʊnǝn a bʊtɔ jin.”

2 Korinti 12:10

N jʊ a bwɨ mǝ maa bǝlátǝm lɛ nǝn gɨyatǝmɔ mǝ nǝngǝnɨ, jǝbɔ tuwolɔ jǝ maa mɨ lɛɨ, jǝbɔ nɔɔtǝm gaalan sɨnatǝmɔ, jǝbɔ gaalantɨnɔ a kɛl dul Kiristii, jʊ a bwɨɨ, a kwama nɨ mǝ gɨya gɨyaɨ, n kwama mǝ nǝn kwaanɨ.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Luka 13:34

“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ!

Matta 21:35

“Nǝngɔ nǝb nɨ a yo twam ywatǝmɨ a taba bɛtɔ jwaalɛb nɨɨ, ja maa a wini gǝm bʊgǝn, ja jʌ a wini, ja mala a wini nǝn tɛl, a bʊla.

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Matta 3:4

Yohana gǝ dʊʊ dwang nɨ ja sʊʊl nǝn yitʌn namtenʌmi. A bwa kʊng gǝnɔ nǝn tɛ. Jǝjalǝn gǝnɔ n kʊgɨ jǝbɔ tɛlɨ.

Ibranii 11:25

A kuwo a laa gǝm jǝl gǝ nɔɔ gaalan jǝbɔ nǝbam Kwaamaɨ a dul lǝma bwɨlangkɛl nɨ mɨsɔ tɨm dɨtǝm lɛɨ.

Ibranii 13:3

Ya jǝ́ maa bʊʊlalɨ lɛ nǝn nǝb nɨ a lɔsomii, maamɔ ja bwa jen dakini jǝbɔ ji. Ya jǝ́ maa bʊʊlalɨ lɛ nǝn nǝb nɨ jǝ nǝ ji gaalan nɛɨ maamɔ nǝjen jǝ́ gʌ lɛɨ.