Galatiya 6:7 - Dadiya NT

⁷ Ka ja swag jen nɛ. Mɨ jǝ mog Kwaama lɛ. Jʊ nɨ nǝl a kwalɨ, nǝn gɔ gǝ kʌso lɛɨ.

Galatiya 6:7 Referans Kwoze

2 Korinti 9:6

Jǝ dʌngtǝmɔ n wɔ, nʊ nɨ a wa dʊʊmɔ dǝmɨ, kʌso nǝn dǝm nyɔ. Nʊ nɨ a wa dʊʊmɔ a ladaɨ, kʌso a lada nyɔ.

1 Korinti 15:33

Ka ja swag jen nɛ! “Yɨm jǝbɔ nǝb bwɨlan gǝ kal kal nǝ nya.”

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

Luka 16:25

“Nǝngɔ Ibrahim a jǝla gǝn gɔ, ‘Bʊla mɨ, bʊʊla nǝn kwama nɨ mʊ nyʊwam lǝma lɛ, Liazaru gaala lɛɨ. Kwama nɨ kǝngkɨɨ, n kwama nyʊwatǝm lǝma Liazarui, mʊ tǝmʊn n kwama gʌtǝm mʊn.

Yakubu 1:22

Ka jǝ́ swag lɛ dul jenɔ. Ka jǝ́ yǝlam lɛ nǝb nyʊwatǝm kɛl Kwaamaɨ nǝn kwan. Bɛ jǝ́ yǝlam nǝb maatǝm gǝn tag.

1 Yohana 3:7

Jǝ́ bɛtɔ dwalǝnɔ, ka kaa nǝl ya swag jen nɛ. Nʊ nɨ maa jǝ dǝngdǝng lɛɨ, n nǝ dǝngdǝng, kanga Kiristi n nǝ dǝngdǝngɨ.

Galatiya 6:3

Na kaa nǝl do dul gǝnɔ lɛ gɔ gǝ kaa jǝlɨ, gǝ ke bɔ kaa jǝl, gǝ swag dul gǝn.

Yakubu 1:26

Na kaa nǝl bʊʊla lɛ gɔ gǝ nǝn jǝfʊlǝnɨ, mɨ ta nyiyo gǝnɔ lɛɨ, gǝ swag dul gǝn. Jǝfʊlǝn gǝnɔ jǝl nǝn kwan.

1 Korinti 3:18

Bɛ ka ń swag lɛ dul mʊnɔ. Na kaa nǝl a kʊm jen kuwo lɛ gɔ gǝ nǝ yʊlanɨ, kanga yooligɔ a do yʊlanɨ, bɛ ga do dul gǝnɔ gǝ nǝ fʌmʌn, sǝ ga yǝlam nǝ yʊlan.

1 Yohana 1:8

Na bǝ sʊwa bǝngɔ mɨ bǝn nǝn bwɨlangkɛlɨ, n dul bǝn bǝ swag lɛɨ. Bɨlǝngkɛlɔ mɨ dakini jǝbɔ bǝn.

Luka 21:8

Nǝngɔ Yesu a sʊwa ji gɔ, “Bɛ jǝ́ nyǝm ka kaa nǝl a swag jen. Nǝbɔ a lada na jǝ bɛ lɛ a mʊgɔ dun mɨɨ. Jǝ sʊwa lɛ gɔ nǝji ji nǝn mɨɨ, dɨltǝm yooligɔ a dwama! Ka jǝ́ bwang jim lɛ.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”

2 Tasalonikaɨ 2:3

Bɛ ka jǝ́ jǝla lɛ kaa nǝl a swag jen dǝm, jʊ a bwɨɨ, kɔkɔ nɨ mɨsɔ lǝga lɛ a bɛ, na ja maa bɔ gotatǝm nɨ nǝn kwamagɔ fɔlɔ kutʌm bwɨla nɨ jelʌm lɛɨ, nʊ nɨ kala lɛɨ.