Galatiya 6:17 - Dadiya NT

¹⁷ A kǝga nɨ ka kaa nǝl ya yǝla lɛ a kom i tag, jʊ a bwɨɨ a bʊtɔ mɨ kʊlan dɛɛltɨnɔ wo nʊng lɛ gɔ mǝ bwɛ jwaalɛ Yesui.

Galatiya 6:17 Referans Kwoze

2 Korinti 1:5

Kanga bǝ nɔɔ gaalan nɛ a ladaɨ, wʊnɨ dǝngdǝng kanga Kiristi a nɔɔɨ, jǝ yʌb bǝm nǝl nyɔ a gola Kiristii.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

2 Korinti 4:10

Kwangkwang nǝn na a nyiyo bwaa kanga ja jʌm Yesui, sǝ ja nʊng kʊlɨ Yesui a bʊtɔ nǝn.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

Maajɨ Bɛtɔ Twamagɨɨ 15:24

Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ.

Galatiya 1:7

Mɨ kaa fulon kɛl lǝmɨ wo. Kaam nǝbɔ swag jen nɛ, jǝ swɨ lɛ ja kal fulon kɛl lǝmɨ Kiristii.

Filibii 3:10

Swɨtǝm mǝndɨ nǝn gɔ n nyǝm Kiristi, n nyǝm kwaan guntǝm gǝnɔ a bwaaɨ, n nya mʊrkatǝm nǝbɔ gɔ a nɔɔtǝm gaalan gǝnɔ gǝm, n yǝlam na gɔ a bwaa gǝnɔ gǝm,

Dʊgam Nyangnyang 13:16

A dǝg gɔ ja ka jim kwatɨ a kang jajǝng jinɔ gǝm, na mɨ nyɨɨ a tɛkǝga jinɔ gǝm. Nǝb nɨ jǝ ka jim kwatɨ lɛɨ, nǝbɔ mɨ a nyiyo jǝlɨ jǝbɔ dʊʊm, jǝbɔ nǝb shilo jǝbɔ nǝb bʊnǝn, jǝbɔ nǝb lɨyal jǝbɔ jwaalɛb.

Dʊgam Nyangnyang 13:17

A maa nyɔ sǝ mɨ nʊ nɨ wo miyo lɛ jǝbɔ tentǝmɨ, na mɨ gǝ nǝn kwatɨ nɨɨ, wʊnɨ nʊng dun yʊwal bwɨla nɨ lɛɨ, na mɨ nyɨɨ, lamba dun gǝnɔ.